【#追夢Ching】開設煮食FB群組獲邀出書，雕刻師：一開始仲以為係詐騙！——@tom_tom_yu
Tom正職是模型雕刻師，興趣是煮食，兩三年前心血來潮在Facebook上開設群組「小廚大菜」，分享他的煮食作品，開始了數個月便吸引逾萬個追蹤者，群組至今已有3.2萬人追蹤，去年Tom更獲編輯看中邀請出書「小廚大菜」，無心插柳地成為煮食界KOL。
「一年前明報有編輯打來話搵我出本書，我真係好驚訝，仲以為係詐騙電話，屋企人都係咁話，你唔好做呀，呢啲呃人㗎，點知真係堅！真係無諗過咁都得。」Tom笑著說。
自創100道菜集結成書
煮食一直是Tom熱愛做的事，但以前都只是隨心創作，在接到寫書的工作後，Tom被要求自創近一百道特別的新菜式，更要「一腳踢」包辦煮菜和攝影。雖然有大半年時間準備，但Tom在交稿前數個月只完成了30個菜式。
「編輯打嚟催稿，嗰時真係有啲壓力，煮嘅時候會腦閉塞， 一日起碼要創作兩道菜，仲要特別，咁你諗吓有幾癲，我要不斷去諗啲餸出嚟，好多時冇辦法食晒成碟餸，要倒咗佢再試整下一碟，諗返雖然係幾辛苦，但我好enjoy！」
其中，Tom最自豪的一款自創菜式名為「蔭公豬」，在干炒豬頸肉上加了冬蔭功的味道，口味獨特令人垂涎三尺，書本最後在去年11月推出，每半年Tom就會收到一份稿費，「雖然唔係好多錢，唔會令我發達，但我真係好開心有人會買我嘅書，欣賞我！」
當「童工」愛上煮食
Tom喜歡煮食的契機，卻是因為一段做「童工」的經歷，「一開始屋企人唔鍾意煮嘢食，所以自己細細個就要煮比佢哋食，通常阿媽都係去傾偈打牌，成班阿姨係到都要食嘢，咁我就會俾人叫我去整啲野食出嚟，慢慢我開始越來越鍾意煮嘢俾人食。」
對Tom來說最自豪的是「朋友都係食我啲飯餸大」，而他的夢想是開一間餐廳做私房菜，「人係好鍾意食嘢，一碟餸就好似一個媒介咁去拉近人與人之間嘅距離，好多朋友要慶祝都一定係嚟我屋企，有時朋友都會帶啲唔識嘅朋友上嚟，我話無問題咪上嚟囉，最緊要大家食得開心，呢個係帶俾我好大嘅滿足感！」Tom興奮地說。
圖片來源：受訪者提供 @tom_tom_yu
#StartChing#StartChange#hongkong#business#startup#Cooking#香港#追夢者#創業人#疫市#都市人#創業#廚師#小廚大菜#作家#模型#雕刻師#作品#藝術#廚藝
＝＝＝＝＝
【本月主題：#疫市下的我們】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow FB：StartChing
Follow IG @start.ching：bit.ly/2F4gRzT
訂閱YouTube Channel：bit.ly/3jPjlSv
如欲與我們分享你的故事，歡迎電郵至：[email protected]
