【#追夢Ching】中學曾被踢出校，苦練雕刻24歲創業月收20萬——Tom
行行出狀元，大家總是覺得老生常談，但Tom的故事卻是一個最實在的真人真事。
中學時期，Tom曾是別人眼中的壞學生，「中二成績好差，中三就俾人趕出校」。從19歲起他為了生計曾經做過不同的雜工，髮型屋學徒、侍應、甚至是地盤工也做過，樂天的他只知道「過得一日就一日」，每夜回到家中，他總會拾起他最心愛的玩具模型，細心地一刀刀雕刻出角色的輪廊。
日復日，年復年，Tom從來沒放棄過這門手藝，初期家人十分反對他雕刻，還常常對他說：「俾啲心機搵錢仲好過啦！」面對家人的冷言冷語，Tom還是堅定自己的興趣，「雕刻呢啲唔係講天份，係我一直無放棄過，如果單純是為了錢，中間可能有其他工作俾到更好嘅價錢，你就會放棄，但係我一直都無放棄到！」
拍賣賺第一桶金
10多年前Yahoo!拍賣十分盛行，Tom當時將他的珍藏和雕刻放上網售賣，賺到大約兩萬元後，他將這筆資金繼續入貨、賣貨，數年後將資金滾大到80多萬。24歲時，他已不用再做雜工維生，憑著爐火純青的雕刻技術，有外國客人多次回頭找他做模型，「例如係要做一隻Batman，個客會叫我去廠做500隻，由雕刻模型、去廠打版、寄貨到外國，我都係一手包辦。」
他表示，香港市場遠不比外國市場大，香港客人大多都只會購買製成品，但外國大多是一批批地訂購，所以Tom每月的收入主要依賴外國客，營業額大約有20至30萬元。
做對模型可一夜致富
Tom形容雕刻行業如同一個夢工場，「佢可以令你一夜輸錢，或者一夜致富」，他曾看過客人致富的經歷，當時客人要求做石堅（李小龍的對手）的模型，本來所有人都不看好，「佢開頭只係做500隻，估唔到一出就爆紅，啲人係周圍咁問有無，第一批每隻至少賺$400，後來又再加製多1000隻，佢做批發都已經賺$980，零售又再賺幾千蚊，咁你諗吓條數幾大。」回想起來Tom還是覺得很震撼。
Tom也曾經因為一個模型，損失逾廿萬元，「美國電影Die Hard第四集入面，男主角同個仔一齊去鋤強扶弱，嗰時男主角嘅模型超受歡迎，以為萬無一失，阿仔點都OK啦，點知真係無人買，結果輸咗20萬！」後來， Tom只能把零件拆散售出。
圖片來源：受訪者提供
#StartChing#StartChange#hongkong#追夢#人物故事#90後#創業#夢想#香港#Startup#startups#hkstartup#brand#business#dreamer#hk#hkstory#MadeinHK
＝＝＝＝＝
【本月主題：#香港製造】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow FB：StartChing
Follow IG @start.ching：bit.ly/2F4gRzT
訂閱YouTube Channel：bit.ly/3jPjlSv
如欲與我們分享你的故事，歡迎電郵至：[email protected]
