紅A逾70年堅持香港製造，中環設概念店展示最新發展——red_a.hk
紅色膠櫈仔、膠水桶、街市燈罩，是早年每家每戶必備的日用品，均是出自本地老字號紅A之手，是香港幾代人的集體回憶。「其實大家平時日常生活仲有好多地方會見到紅A蹤影，例如係睇完醫生拎嘅藥樽、茶餐廳用嘅餐具，或是係便利店運貨用嘅膠箱，好多都係由我哋生產。」第三代傳人梁馨蘭道。
紅A母公司星光實業創立於1949年創立，早年主要售賣塑膠製造的家庭用品，深入民心。直到80、90年代，大多工廠選擇北上發展搵真銀，本地工業日漸式微，紅A卻選擇堅守香港。「香港絕對都有好產品，我哋嘅設備未必係最先進，但能夠生存咁多年，當中喺質素上嘅堅持大家係睇得到，好多老客戶都幫襯咗好多年，好信任我哋。」
力拓代理廚具市場
老字號亦需推新出新，不能只靠賣情懷生存下去，因此近年品牌「踩過界」力拓代理廚具市場，為客戶提供一站式廚房設備服務。「三年前傾到台灣刀具品牌六協嘅代理權，就由嗰陣開始行呢個新方向，而家已經同緊廿幾個品牌合作，包括意大利品牌Marcato同Ariete，當中有近十個係獨家代理。」她強調，不會放棄膠製品等傳統零售產品的生產，「呢個係紅A嘅『Core』，點都唔會放棄，只係我哋要注入新血，與時並進。」
受年初至今疫情影響，令每年都會參展的紅A錯失與外溝通的機會，因此其於上月中在中環威靈頓街開設品牌首間概念店，「係公司老板旗下物業，暫時空置緊，仲搵緊下位租戶，於是就開間概念店，希望當係一個Showroom咁比大家了解紅A嘅最新發展！」
作為第三代傳人，梁馨蘭的心願很簡單，不求品牌再次風靡全港，只望大家記得香港還有這麼一個品牌，71年以來一直堅持香港製造。「我哋只係一間細廠仔，大家仲記得我哋已經好好。我覺得大有大做，細有細做，希望透過紅A話比大家聽，唔係只得大集團先能夠喺香港生存到架！」她堅定道。
@red_a.hk
圖片來源：StartChing
#StartChing #StartChange #hongkong #business #startup #香港 #追夢者 #創業人 #星光實業 #紅A #本地老字號 #本地工業 #集體回憶 #堅守香港 #中環威靈頓街 #品牌概念店 #紅色膠櫈仔 #膠水桶 #街市燈罩
＝＝＝＝＝
【本月主題：#香港製造MadeInHK】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow FB：StartChing
Follow IG @start.ching：bit.ly/2F4gRzT
訂閱YouTube Channel：bit.ly/3jPjlSv
如欲與我們分享你的故事，歡迎電郵至：[email protected]
