IT男祖屋設「種菇實驗室」，利用回收咖啡渣種港產靚菇——urbanmushroomhk
三年前，Russell將位於屯門藍地、荒廢多年的祖屋「大翻新」，2000多呎的空間打造成為他的「種菇實驗室」，利用本地回收咖啡渣為主的廚餘作堆肥，種植著牡丹菇、鳳尾菇及金頂側耳菇等港產蠔菇。「你估人人都有間祖屋比自己發揮，喺寸金尺土嘅香港咁難得有咁嘅資源，就決定要好好利用。」
為了學習更全面的農業知識，他先是前往台灣的農場擔任義工，從實踐中吸收務農的經驗，後來更遠赴英國報讀當地大學的可持續農業及糧食安全碩士課程。在2017年底，他將祖屋打造成專屬的種植樂土，將空置小屋改建成培植菇房，「其實我唔係話好鍾意菇定點，只係考慮到種菇對環境改變最少，同我想行嘅可持續農業理念吻合，我嘅想法係希望利用本地回收資源，去轉化成有價值嘅產物，比大家睇到更多呢個城市能夠發生嘅可能性。」
由於他沒有種菇的實戰經驗，因此在過去三年間一直以不斷實驗的方式，作出不同的嘗試，例如是搭建小型帳幕作溫室，最初每次只培植十個八個菇包。「好似一個實驗室咁，一路觀察情況、逐步改善，慢慢搵出一個最理想嘅『方程式』，然後先至倍大生產，而唔係一嚟就搞好大型嘅種植場，再慢慢微調，我無咁多資源去做呢件事，我有嘅係時間同呢個空間。」
達致可持續發展
Russell笑言，在這個講求效率的城市，其做法完全不符合成本效益，「如果淨係為咗經營一門生意嘅話，種植蘑菇更加實際，一來市場需求大，而且生產蘑菇有一定研究、數據基礎，基本上能夠自動化成個種植過程，唔洗花咁多時間精力去做實驗。」
花了三年時間「做實驗」，他在半年前終於開始能夠量產，除了新鮮蠔菇外，亦有乾貨及菇粉提供，慢慢在本地農產界中建立知名度。「叫做一路慢慢進步緊，有人幫襯下咁，不過都仲係起步階段，收成有時會好唔穩定，例如前排有蟲害情況出現，要掟晒百幾個菇包重新嚟過，其實都幾氣餒架。」
Russell未來的目標，除了是令量產蠔菇這件事能夠持續發生外，還會種植各式香草，以增加多一項收入。「呢個係一個生存問題，過去半年暫時月入得幾千蚊，希望長遠蠔菇穩定量產，又可以賣到香草，真真正正達致可持續發展。」
圖片來源：受訪者提供 @urbanmushroomhk
#StartChing #StartChange #hongkong #business #startup #香港 #追夢者 #創業人 #本地農業 #都市農夫 #種菇實驗室 #港產靚菇 #蠔菇 #回收咖啡渣 #牡丹菇 #鳳尾菇 #金頂側耳菇 #可持續農業 #香城遺菇
＝＝＝＝＝
【本月主題：#香港製造MadeInHK】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow FB：StartChing
Follow IG @start.ching：bit.ly/2F4gRzT
訂閱YouTube Channel：bit.ly/3jPjlSv
如欲與我們分享你的故事，歡迎電郵至：[email protected]
