80後IT男轉行種菇：人生有好多可能性—urbanmushroomhk
「菇係好有生命力嘅農產品，前一日仲未見到『菇影』，第二日已經成隻生出嚟，基本上我一星期七日都一定要去收菇，如果唔係啲菇生老咗就無咁靚仔！」香城遺菇創辦人Russell道。
昨天提及，Russell三年前將荒廢多年的祖屋打造成「種菇實驗室」，天天種出新鮮的本地蠔菇。今年35歲的他，原本在IT公司負責程式編寫的工作，他的種菇生涯始於其三十而立之年
他自小對農業頗感興趣，不時在家中種植栗米、茄子等農作物，尤其喜歡「一分耕耘一分收獲」的感覺。「我性格不嬲算踏實，所以當年大學修讀工程，而唔係商科或經濟，因為我鍾意經過一番努力後見得到嘅價值，工程如是，種植如是。」
興趣變成職業
沒想到有一天，業餘興趣會變成全身投入的工作。「一到30歲，開始諗下自己下半世想過點樣嘅人生，想趁年輕、無咩負擔時尋求轉變同突破。其實一開始無話一定要投身農業，只係考慮到個人興趣同條件，而好難得地有間祖屋比我發揮下，於是向農業方向進發！」
他表示，放下穩定的職業，花數年時間研究農業與種菇，是在於價值上的優次選擇。「可以話係幾大嘅機會成本，如果呢幾年努力賺錢，將筆錢放落炒股或其他投資，金錢上嘅回報點都好過而家。」
他所重視的，是個人滿足感與生活自主性。「好似而家種菇咁，我可以慢慢試驗，而唔係一嚟就要求做到量產，幾時就要收支平衡，的確同一般人做生意唔同，但呢個就係我最舒服嘅步伐！」
圖片來源：受訪者提供 @urbanmushroomhk
#StartChing #StartChange #hongkong #business #startup #香港 #追夢者 #創業人 #本地農業 #都市農夫 #種菇實驗室 #港產靚菇 #蠔菇 #回收咖啡渣 #牡丹菇 #鳳尾菇 #金頂側耳菇 #可持續農業 #香城遺菇
＝＝＝＝＝
【本月主題：#香港製造MadeInHK】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow FB：StartChing
Follow IG @start.ching：bit.ly/2F4gRzT
訂閱YouTube Channel：bit.ly/3jPjlSv
如欲與我們分享你的故事，歡迎電郵至：[email protected]
