金融中佬逆市搞共享空間：想為香港初創出一分力！——paragoninasia
過去幾年本港的共享工作空間如雨後春荀，由千餘呎的本地品牌，到租下多層商業大廈、佔地數以萬呎的國際連鎖品牌，總有一間在「左近」。
雖然在社會運動、疫情下，行業經營變得困難，不過有三位從事金融多年的港產「中佬」，因為一個簡單的理念，便在去年決定迎難而上，共同創立「Paragon Asia」，成為共享空間行列的一員。「我哋三個都係屋邨長大嘅香港仔，深感從呢片土地得到好多嘢，所以用自己嘅能力扶一把香港嘅後起之秀，為香港初創出一分力！」
在屋邨的每一隅跑跑跳跳中成長，他們最懷念的是童年時鄰里間的那份人情味、香港人之間那份守望相助的精神。「我哋唔係要做共享空間，單純將一個大單位分租比唔同人，然後提供增潤服務咁就算，而係想成為孕育新一代初創嘅基石，重拾以前我哋感受過嗰種『獅子山精神』。」
「唔係共享空間咁簡單！」
他們深信，香港製造必屬佳品，其中一個空間便以相當地道的「紅白藍」為主題。「我哋集中服務本地初創，亦都見證好多香港品牌嘅誕生、成長。建立一個Community、凝聚一班志同道合嘅人，正正就係我哋建立呢個地方嘅願景。」
三位創辦人重視與初創人的交流，每星期均會抽出一小時與租戶會面，了解其業務發展與需要。「好多初創面臨困境，可能只係需要其他人幫手推一把，就可以捱過呢一關，或者係行得更遠，我哋希望可以擔當呢個角色，可能係為大家提供創業資助嘅資料、介紹合作伙伴，甚至係投資喺我哋認為有潛質嘅初創身上。」
目前Paragon Asia主力發展東九龍區，目前一共有6個共享空間，其中一個地點為專屬「俱樂部」，為租戶提供休憩及娛樂空間，亦不時在此舉辦工作坊、交流活動等。「空間硬件係我哋嘅優勢，我哋有提供唔同功能嘅空間，例如係拍攝用嘅廚房、攝影棚等 。10月份最新開幕嘅Paragon Wellness就係主打運動、健康，希望可以吸引相關初創加入我哋嘅Community！」
圖片來源：受訪者提供 @paragoninasia
#StartChing#StartChange#hongkong#business#startup#香港#追夢者#創業#初創#夢想#人物故事#香港品牌#共享工作空間#CoworkingSpace#香港初創#獅子山精神#香港製造
＝＝＝＝＝
【本月主題：與你共融】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linkby.tw/StartChing
如欲與我們分享你的故事，歡迎電郵至：[email protected]
