為咗留守香港創業？90後女生製健康燕麥片大賣——NextFood
近年港人愈發注重健康養生，造就健康食品大行其道。去年底有一個行小清新風格、主打健康的本地即食燕麥片品牌「#NextFood」推出市面，90後創辦人Janice近日默默出現在本地大小市集推廣產品。
品牌選用澳洲燕麥，加入大量的乾果、果仁和乾花，健康之餘又非常美味，因此甫推出便大受OL歡迎，短短2個月間便賣出1,200盒，生意額達6位數。「外國大家好習慣食燕麥片，多選擇又好食，但香港食開嘅味道真係麻麻地，好鬼寡，好多人真係為咗健康先去食。」
說到創業初衷，Janice在言談間流露出甜絲絲的語氣。「之所以決定要創業，因為我一直同德國籍男友Long D緊（遠距離戀愛），我好想佢可以嚟香港同我一齊生活，希望一齊喺香港建立事業基礎，到時咪有理由說服佢過嚟囉！」她笑笑口說。
Janice目前在國際投行工作，男友又擁有德國籍，基本上是可以隨時說走就走的其中一位，在香港風雨飄搖、人人都在談移民的日子中，她卻決意留守香港。「我大學時期長期都係處於努力打工搵錢，然後一放假就不斷去旅行嘅狀態，未畢業前已經遊歷過33國，見識唔同地方嘅風土人情，但無論外國有幾好，我最愛嘅始終都係香港。」
#香港人之間的連結
她喜歡香港既能追求事業，同時又是充滿內涵的城市。「 香港文化中西合璧，又新舊交融，每一幢舊樓、每一塊招牌都有自己嘅歷史同故事。我啱啱去完杜拜，當地閃閃生輝，所有高樓大廈都好光鮮新淨，但令我感覺係一個無過去嘅地方，歐洲當然都好有歷史文化氣息，但喺工作上又好似無咩發展空間。」
尤其在過去一段日子，讓她深深感受到香港人之間的連結，「以前成日話香港人好冷漠，但而家嘅香港經常見到『一方有難，八方支援』嘅畫面，令我覺得好溫暖，亦都更加深愛呢個城市。」
決意在香港創業，為愛情亦為心中的理念，盼望能成為本土產業的一分子。「外國好多地方都有自己嘅手信、代表作，但香港真係好少，好多人嚟到都買一啲特色都無嘅珍尼曲奇，我覺得有啲可惜。我唔係話想做到香港手信咁大想頭，只係希望可以有更多本地製造嘅品牌，好似我推出嘅燕麥片，我都有加入桂花、荔枝，好多外國人都唔知係咩，希望令產品更有亞洲特色！」
圖片來源：受訪者提供 NextFood
#StartChing #StartChange #business #startup #Longdistance #Career #Pursue #Life #HongKong #HomeKong #香港 #追夢者 #創業 #初創 #夢想 #香港品牌 #香港製造 #香港手信 #人物故事 #90後 #即食燕麥片 #創業女生
＝＝＝＝＝
【本月主題：綠色生活】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linkby.tw/StartChing
如欲與我們分享你的故事，歡迎電郵至：[email protected]
