You are what you eat，本地花生醬品牌堅持質素行先——The Nutter Company
英文有一句有關飲食的諺語「You are what you eat」，中文直譯解作「人如其食」，你的飲食習慣與選擇，代表著你是一個怎麼樣的人。
從本地果仁醬品牌「The Nutter Company」的IG，能夠看到他們以柔和的色調，分享富生活品味的品牌照。
老闆娘Sheena表示，希望大家從相片中不止是看到他們的產品，更看到他們希望宣揚的生活態度。「張相可能係一個好舒服嘅早餐，希望能夠影響大家嘗試食得健康啲，重視生活、身體，我相信呢種就係最理想嘅生活態度！」
#本地新鮮手工製造
The Nutter Company的果仁醬產品均為本地新鮮手工製造，選用優質食材，即使價格相對一般牌子高，仍深受一班對食物質素要求頗高的港人追捧。「花生係嚟自印度，開心果嚟自美，榛子嚟自意大利⋯⋯有優質食材，加上產品喺香港製造，果仁醬點都係新鮮食最香，我相信客人係食得出，所以先一路咁支持我哋。」
經營品牌幾年以來，Sheena定期在市集擺擺攤檔，既為宣傳，更希望能夠直接與客人溝通。「我諗小店好嘅地方就係可以好落地聆聽客人意見，有咩唔好就直接改，好似今年年頭出開心果醬，花咗成年研發，但好多客人都反映太乾，咁我哋聽完意見後再加以改量，後來反應好好多！」
#由擁躉變老闆？
雖然Sheena當品牌「親生仔」般對待，不過原來她並非創辦人，而是在早年由健身教練介紹下成為品牌的擁躉。「Keep Fit講緊運動佔3成，飲食佔7成，當時我食得好清，覺得有啲頹，教練就介紹我食呢款花生醬，標榜無糖、無鹽、無油，健康得嚟又好好味，一食就愛上。」
原來的The Nutter Company創辦人是熱愛健身的澳籍港人，當初為求開心及食得健康，在工餘時間自製花生醬，並逐漸發展成品牌，後來卻因要回流澳洲生活，無法再經營下去。
Sheena便因此用六位數接下這門生意，成為品牌的接班人，以行動表明對這款高質果仁醬的愛並非得把口。「當時係覺得無咗好可惜，然後自己又係一個Slash，似乎有空間經營，既然自己咁鍾意食，不如試下經營啦！」
一八年接手至今，她將品牌打理得有聲有色，全因其一直堅持將食物質素擺到最前。「我堅持點都唔會將貨就價，食物質素要行先過賺錢，我相信做好一個品牌最緊要唔係要諗點賺錢，而係做得啱，之後應有嘅回報就會自然嚟。」
文： 高妹記者
圖： The Nutter Company
#StartChing #StartChange #hongkong #homekong #hk #hkstory #MadeInHK #business #startup #hkstartupers #dreamer #Life #PeanutButter #Foodie #YouAreWhatYouEat #香港 #香港人 #追夢 #創業 #人物故事 #香港製造 #香港品牌 #手工製造 #花生醬
＝＝＝＝＝
【本月主題：香港製造】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
