前蘋果攝記為殘疾毛孩義攝：「用自己專業出一分力！」——Five Dots
「毛孩或許是你人生中的一部份，而你卻是毛孩的一生。」
Kinny在2年前先後領養了兩隻松鼠狗「點點」和「奸仔」。「當初兜兜轉轉先領養呢兩隻狗仔，過程中經歷多次被Ban，差啲想放棄，不過理解義工都係緊張毛孩，始終佢哋拯救每一隻狗仔時都付出好多，我都試過幫手做義工，真係幾辛苦！」
入行做攝記10多年、在蘋果留守至最後一刻的他，由於影毛孩照頗有一手，因此不時被記者「Mark實」，為蘋果寵物版拍下不少作品。
「遇過好多慘情個案，當中唔少毛孩因為身體殘疾，或者係有嚴重疾病而被棄養，我諗係前主人根本只當毛孩係解悶嘅公仔，無當過佢哋係家人，自然唔會願意比一筆錢去醫治佢哋。」他感嘆道。
#為毛孩留倩影
作為兩孩之父，Kinny因著對毛孩的一份愛，在大半年前開展了為殘疾毛孩義攝的項目。「有次義工搵我幫狗仔影相，希望影靚啲容易啲有人領養，啟發咗我做義攝呢件事，既然做義工對我嚟講太辛苦，倒不如用自己嘅專業技能，幫手去推動呢件事，希望令更多人關注殘疾毛孩，甚至願意比一個家佢哋。」
為殘疾毛孩留下倩影的過程中，Kinny遇上了不少深刻的故事。「早一年有單幾多人討論嘅新聞，係有位主人將狗狗擺喺露台日曬雨淋，當時有義工同佢周旋咗一段時間，終於勸服位主人放棄隻狗狗，我當時為狗狗影咗輯相，亦幫佢搵到真心錫佢嘅新主人，我自己都好開心。」
可惜好景不常，狗狗在被領養數月後確診患上癌症，沒多久便在新主人的懷中辭世。「新主人好慶幸能夠喺狗狗最後半年陪伴住佢，至少比佢感受到家庭溫暖，而我亦能夠喺佢仲好活潑時幫佢影到相，留低珍貴嘅回憶。」
毛孩的生命本就短暫，在Kinny鏡頭下的殘疾、患病毛孩的壽命更是難以預料，「可能同佢哋影完相，玩完過幾個鐘、幾日後，就已經離開咗。面對毛孩嘅生離死別，諗番起自己嘅點點、奸仔，都會覺得好難過，同時亦推動我繼續做呢件事！」
有人說：狗的壽命太短，這是牠唯一的缺點。
願每一隻毛孩匆匆而過的一生，都能夠活在愛當中！
文：高妹記者
圖：Five Dots
#StartChing #StartChange #hongkong #homekong #hkstory #business #startup #hkstartupers #dreamer #MadeInHK #Dog #Cat #香港 #香港人 #追夢 #創業 #人物故事 #共融 #毛孩 #主子 #奴才 #狗奴 #貓奴 #殘疾毛孩 #義攝 #蘋果日報
＝＝＝＝＝
【本月主題：與你共融】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
