【#與你共融】28歲港女熱心做義工16年，為港成功申辦「義工界奧運」——曾樂慈
一個外表稚嫩的28歲女生曾樂慈(阿慈)，一直默默地在為香港弱勢大眾奉獻休息的時間，從不間斷16年。
從中學開始阿慈便開始接觸義工服務，但她笑言初時和大家一樣都是「被逼」的，中三那年因為做班長，而被迫要做搞手去籌辦義工服務，去過老人院和幼稚園接觸不同有需要的人士，起初心態由「為做而做」，到去反思受眾真正需要的是什麼，「當幫到一個人，令佢明白到社會冇遺棄到佢，呢一吓係最Touch到我！」阿慈不但身體力行，更加感染到身邊的朋友一起去做義工。
見清潔工無口罩戴 自願轉贈口罩
大學畢業後，阿慈加入一間NGO (非政府組織) 工作，下班和放假她都會組織不同的義工服務助人。在疫情初期全城瘋搶口罩，不少 #草根階層 手停口停，無法搶到口罩，她曾經見過有清潔工人在工作時沒有口罩戴，阿慈心痛地說：「佢哋先係企係最前線嘅人，如果無口罩係好危險，所以我決定將屋企其中兩三盒free出嚟，派比更加有需要嘅人，之後都有好多其他有心嘅香港人都有齊心咁樣去做。」
阿慈從各方收集到一堆口罩後，幫忙組織了200多名義工、10個車隊上門為有需要的人士派發口罩，在舉行義工服務期間，阿慈也會把活動當成是訓練年輕義工的機會，「好記得嗰時，招募咗好多義工，有個年輕義工上到去一棟私樓，開門嘅係一位中產feel嘅女士，於是佢就質疑點解要派俾呢位女士，事後我會解釋返俾佢知，係名單上面都有經過審查，嗰個人可能外表係好中產，但其實可能佢係照顧緊一個行動不便嘅家人，真係走唔開去排口罩，所以我哋唔應該從外貌去判斷人哋有冇需要，當時佢即刻諗通，嗰一刻就真係會見到會陪伴到佢哋成長。」
將義工服務包裝成「挑戰」
熱心的阿慈曾當選2012年傑出青年義工，她一直想盡辦法推動義務工作，希望將義工服務以一個有趣的方法包裝，吸引更加多人參加原本予人感覺沉悶的義工服務，「例如係搞一個『服務馬拉松』，搵唔同義工『車輪轉』咁去接力，義工服務都係照樣做，但係個感染力同號召力就大得多！」
她舉例說9年前曾在「屯元天」舉行「In service 36小時」的活動，招募義工接力於星期六日由早上9時到夜晚9時通宵接力做義工服務，「試過帶從來未出過外區嘅南亞裔小朋友去露營，一個好嘅包裝可以令大家覺得義工唔只係幫人，而是一個挑戰！」
為港申辦「義工界奧運」 召集義工接力2020分鐘
近年阿慈在一次參與海外會議時，認識到「世界扶青大會」，便萌生想將這個「義工界奧運」的活動帶到香港舉辦，「本身我都冇聽過呢個活動，直至到第13屆喺台灣搞，佢就好似一個亞太區嘅會議，喺全球各地每3年舉辦一次，認識咗就好希望可以帶來香港主辦一次，令外國人認識更多香港文化，例如係義工服務到加打麻雀，做花牌嘅元素。」
阿慈擔任 #Interota 籌委會主席，為香港成功爭取2020年「#世界扶青大會」主辦權後，卻遇上社運和疫情，本來應該在2020年舉辦的活動，到今年才成功舉辦。其中一項「服務馬拉松」招募了逾150名青年義工，日以繼夜完成連續 2020分鐘義工服務，受惠機構包括「
聖雅各福群會 St. James’ Settlement （FOOD-CO）」、「 阿棍屋 」、「 Soap Cycling 再皂福 」、「 Feeding Hong Kong 」等 9 間非牟利機構。
緊守主席身份「唔可以lost」
「期間我話唔辛苦就係假嘅，有好多義工人生上已經有好多唔同嘅轉變，人事上會有好多調動，但係我諗係靠信念去堅持。因為我作為主席係唔可以lost，因為會令到其他人好似群龍無首咁，所以我一直撐落去，我一直都認為，如果每個人都可以有level up到，咁呢個世界都會跟住Level up！」阿慈笑說。
文：肥妹記者
圖：受訪者提供
#StartChing#StartChange#hongkong#homekong#Startup#hkstartup#hkstartupers#dreamer#hk#hkstory#香港#香港人#追夢#人物故事#勵志故事#共融#故事#愛心#義工#義工服務#90後#正能量#扶青#弱勢社群#小眾#奧運 #奧運2021
＝＝＝＝＝
【本月主題：與你共融】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
