【#與你共融】老師借閒置餐廳搞社企，助夜校學生「搵食」兼溫書——半讀工房
「最癲係陪埋學生俾餐廳老闆Train足一星期，每個星期日都要落場睇，仲要煮埋嘢食…..」「 #半讀工房 」創辦人尹Sir笑著回憶道，6年前因成為了超額教師而走進夜校教通識，近年創辦社企「半讀工房」，「希望推廣助人自助嘅概念，將教育界剩餘的勞動力 (超額教師) 同夜校學生呢兩個『邊緣群體』拉埋一齊！」
半工讀生陷「惡性循環」
在夜校任教6年，尹Sir眼見不少學生要半工讀賺取生活費和學費，在努力讀書和維持生活之間掙扎，記者問尹Sir：「試過最極端的學生情況？」
「最極端？ 最極端咪就係唔返嚟囉！」
有同學上學期會露面，但下學期人已不見，上課人數也越來越少；有些學生休息時間嚴重不足；有些要等落堂10時多才能用晚餐。見到同學有心無力，尹Sir也感到很無奈和洩氣，「你會睇到係一個惡性循環，學歷低人工唔高，變左要工時長先可以賺夠錢，變相學習時間更加少，所以希望有個方法可以幫到佢哋！」
2019年尹Sir想出「半讀工房」的概念，成功取得第一筆資金試行計劃，於2020年暑假成為政府扶貧委員會轄下「#社會創新及創業發展基金」(SIE Fund) 最新一輪支持的社企。
那麼，「半讀工房」是一個怎樣的概念？
簡單來說，「半讀工房」租用有休息日的餐廳，將它變身成「限定的自修室」，同學可以在餐廳自修或者向駐場的老師 (多是超額教師擔任) 問功課，而當日餐廳會有夜校同學擔任廚師或侍應，令餐廳可以如日常般出產食物和營運。「餐飲係比較容易上手嘅行業，希望可以連結餐廳閑置資源，又幫助到夜校同學就業同學習。」
老闆OK廚師未必OK
尹Sir曾與4至5間餐廳合作過，但實行計劃最大的困難是要找到願意租出場地的餐廳，「好多老闆會擔心食物質素或者聲譽，有啲係老闆OK但廚師未必OK，佢哋唔想有人搞亂自己檔攤，雖然4位數租金收入係好大嘅誘因，但餐廳主要都係為咗個意義先借場俾我哋。」最高峰「半讀工房」同時與兩間餐廳合作，合作老師約有10至20個，受惠學生逾百位，其中約有廿人接受過訓練而成為餐廳的「臨時員工」。
計劃暫緩未言棄
後來經歷疫情和餐廳限聚令，令計劃一度難以延續下去，「少咗好多人坐出嚟溫書，本來期望做一半街外客、一半學生生意，連支持餐廳日常營運都做唔到。」基金資助計劃也剛好在今年6月底完結，令計劃暫時停辦，尹Sir表示目前的營運模式難以倚賴自身盈利持續，未來將會調整計劃，但坦言從未想過放棄：「因為都可以話喺呢個界別我比較熟識，如果冇咗就真係未必有人再做，所以要堅持落去！」
文：肥妹記者
Good Seed九月會開始新一屆招募，記得密切留意Good Seed的專頁，日後將會向大家公布詳情
Good Seed HK#GoodSeed#prototype#hongkong#startup#hkstartupers#dreamer#ProjectLEARNT#SIEFund#Funding#StartChing#StartChange#夢想#香港#追夢者#創業人#社創#社會創新#社企#社創基金#社會企業#夜校學生#夜校#超額教師#餐廳
＝＝＝＝＝
【本月主題：#非凡女生】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
