【#追夢者系列】用電影記錄香港歷史，尹志文：好好記住蘇樺偉！——天下一電影 One Cool Film
《#2020東京殘奧會》在今天正式開幕，在此先跟港隊說聲加油，希望大家延續奧運熱潮為他們打氣！
八月中上映、改編自殘奧金牌得主 #蘇樺偉 真人真事的港產片《#媽媽的神奇小子》，過去兩周的票房直逼千萬，成績令人驚喜。
「我哋呢一代會聽過偉仔呢位『神奇小子』，後生啲就未必認識，所以當我知道佢同蘇媽嘅故事後，就好想寫成劇本，比大家知道呢個屬於香港歷史上嘅里程碑，比大家記住『蘇樺偉』呢位傳奇人物！」這齣電影的導演 #尹志文 說。
落後未落敗的人生
《神奇小子》主題曲中有一句歌詞是「誰仍然無悔攜同你踏向前，落後未落敗，大步行下去，有耐力後來居上才算天賦。」
尹志文在2013年開始構思《神奇小子》的劇本，「當年人人都講『贏在起跑線』，甚至係『贏在射精前』，令我好疑惑點解社會變得咁功利；蘇媽嘅經歷正好成為啟發，一位母親生咗所謂『咁樣嘅小朋友』，好似害咗自己嘅仔仔咁，難以想像未來條路要點行，偉仔卻真正活出『落後未落敗』嘅人生，有邊個敢話佢係失敗者？」
「作為電影人，我哋嘅責任係記錄時代、留下歷史。」
入行20年，首次執導的作品能夠正式上映，乘著奧運熱潮，讓大家重新認識蘇樺偉這號人物，讓大家齊齊買飛入場撐起香港電影，一切似乎都來得剛剛好；不過一齣人物傳記的背後，卻是歷經逾7年的籌備功夫與不住的擔心。
「其實係『既擔心又不擔心』，始終香港無咩呢類人物傳記，加上故事中牽涉好多國際級比賽，拍呢啲場面成本唔平，所以由最初決定去馬、經歷漫長嘅資料搜集同訪問，一路都擔心呢類電影喺香港有無市場，究竟能唔能夠揾到資金拍呢。」
至於他的「不擔心」，則是源於在電影路上經歷過的無數次「撻Q」。「滑鐵盧經驗豐富，度好嘅題材、寫好嘅劇本出唔到係好平常嘅事，一早已經習以為常。當然好好彩最後天下一都願意投資，成就咗呢件事。」
創作人的獨特旅程
面對孤獨，大概是每一位創作人必經之路，首次執導的尹志文深以為然。「以往擔任編劇、副導，以配合團隊、導演為多，創作成份會少啲，自己執導係另一回事，好多事情要獨力承擔。雖然每個階段都有唔同人幫忙，但除咗自己，無人能夠陪自己由頭行到最尾，亦無人能夠完全理解自己嘅想法，好感受到同人之間嘅距離。」
他形容，人生猶如踏單車般，要不斷尋找平衡點，拍電影亦如是。「例如本來我好希望喺呢套電影中重現啟德，不過大型賽事嘅場面更重要，喺拍攝預算上無辦法滿足晒所有願望，總有嘢係需要放棄。喺創作過程中，我會不斷提醒自己，一定要揾到平衡點，唔係就無辦法向前行，無辦法將電影放上銀幕播放。」
沒有經過千錘百鍊，成就不了這位神奇小子；沒有過去廿年在電影路上的磨練，尹志文的這部作品或許也無法在螢幕上放映，打動著每一位觀眾的心坎。
每一位香港電影人、每一位香港運動員、每一位香港人，加油！
不如聽埋由 #Jer柳應廷 主唱嘅電影主題曲《#神奇之路》啦
www.facebook.com/StartChing/videos/257514809214450
文：高妹記者 @gomui.173
圖： 天下一電影 One Cool Film
#StartChing #StartChange #hongkong #homekong #Startup #hkstartup #hkstartupers #dreamer #hk #hkstory #Paralympic #Goldmedal #香港 #香港人 #追夢 #人物故事 #勵志故事 #東京奧運 #東京殘奧會 #港產片 #香港電影 #神奇小子 #香港人加油
＝＝＝＝＝
【本月主題：非凡女生】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
