【追夢Ching】任美編試產品「中招」無數次，90後女生創成份查閱網——BeautyFact
27歲的Olivia曾經試過無數次皮膚敏感，令她在工作數年累積經驗後，決心做出一個可以助人檢查護膚品成份的工具，「試過好多次皮膚敏感，每次用護膚品前都要search，又交過好多學費，就算買貴嘢都係會中招！」
數年前做過美容編輯的Olivia曾「中招」無數次，皮膚狀況差到試過不敢化妝，「化妝會浮粉有凹凸，嗰時收好多傳媒試用嘅禮包，因為大多數都係大牌子，所以知自己皮膚敏感都想試吓，但個段時間反而係人生皮膚最差嘅階段！」Olivia笑說，當時她已經心想長期使用不適合的化妝品也不是辦法，於是萌生創業做一個成份檢查網的念頭。
「毒你唔死就OK」
後來她轉工做網上營銷及市場推廣，籌備半年與拍檔於上月底推出美容化妝品成份查閱工具「BeautyFact」，平台上有超過5000個產品資料，顯示出美容產品內有風險的成份，以及網站計出美容產品的「安全指數」，亦有評論部分可以讓用家分享心得。
「呢方面外國行得好前，所以都有唔少公開資料可以作為Data Base，相反香港就無專門監管美容化妝品嘅部門，係有產品或消費品嘅安全條例，但都唔係專門管化妝品，簡單嚟講只要毒你唔死就OK。」她表示近來正和本地一些天然護膚品牌合作，希望做到亞洲第一個美容成分剖析的工具，從而提升亞洲化妝美容產品的透明度，幫助愛美的女生做出最明智的選擇。
圖片來源：StartChing
#StartChing#StartChange#hongkong#homekong#Startup#hkstartup#hkstartupers#dreamer#hk#hkstory#香港#香港人#追夢#人物故事#女生#美容成份#化妝品成份#護膚品#敏感#cleanbeauty#美容編輯#皮膚#皮膚敏感
＝＝＝＝＝
【本月主題：手作匠心】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
