【#追夢Ching】80後花藝師T.O.P開日本精品店，「80歲婆婆都有妹豬嘅心！」
80後的Tracy是旺角T.O.P商場「妹豬日常」的創辦人，她從小喜歡藝術和創作，「細個周圍畫牆同畫門，但好多時媽媽都唔會鬧，反而好鼓勵我，令我好有膽去試同埋諗好多天馬行空嘅嘢！」
Tracy讀設計出身，工作做過時裝、設計、在畫室或幼稚園教畫畫和做手工，她還是一個花藝師，即使結婚生小朋友後，忙著照顧小朋友已沒時間做手作，但每逢佳節，她總是會第一個舉手要到孩子學校做家長義工，為小朋友課室做聖誕裝飾，來滿足自己喜歡手作的熱情。
有別於一般人，「以前旅行時都好少行大街，多數都鍾意捐窿捐罅搵小店行，鍾意小眾嘅嘢，鍾意去體驗多啲。」在旅行期間，她還發現台灣、日本都有很多漂亮的精品店，但反觀香港這類型的小店就比較罕有，於是在疫情前她就決定開設一間夢想中的小店，集手作、文具精品、花藝於一處。
希望可以成為年輕人搵禮物嘅舖頭，其實喺香港買一份禮物好簡單，但係真正親手做嘅禮物先至珍貴，『妹豬日常』的模式係希望除咗購物之外亦都會有枱可以比客人寫咭，有人買爆炸盒會即場寫，我哋都有印相服務，希望可以幫佢一條龍做好份禮物！」她笑說，曾經有想向心儀女生告白的男生到店舖「求助」，職員馬上變身愛神邱比特，熱心教他如何寫咭「冧女」。
疫情高峰期創業
偏偏在2021年2月疫情高峰期時，Tracy冒險於旺角T.O.P開店，「諗返起嗰時都幾大風險，但係希望圓到夢，依家舖頭已經收支平衡，家人都好支持我。」Tracy認為，當時是一個難得的機會，既然租金能應付到，商場租務部亦都贊同店舖的模式，與他們一拍即合，是值得一試的決定。
「80歲婆婆都會有妹豬嘅心！」
雖然不少朋友都覺得「做少奶奶仲好啦」，但Tracy從開店中獲得的滿足感卻是難以用言語去形容，例如她從沒想過自己的店舖竟然可以誘發老人家「妹豬的心」，「因為隔離有診所可以睇醫生針灸，好多時有啲70幾80歲嘅婆婆，去睇醫生之前會過嚟買貼紙，初時改店名叫『妹豬日常』係因為想打年輕女仔市場，但原來就算係公公婆婆都會有呢個妹豬嘅心！」
另外，產品能為香港人帶來歡笑，也是Tracy覺得錢也難以買到，「收銀處有一舊『屎』形狀嘅擦膠好受歡迎，無論香港男女老少見到舊擦膠都會忍唔住哈哈大笑，呢啲都係好難忘嘅回憶！」
文：肥妹記者 @fatgirl.insight
圖： 妹豬日常
#StartChing#StartChange#hongkong#Startup#hkstartup#hkstartupers#dreamer#hk#hkstoryT.O.P This is Our Place#TOP#TOPMK#香港#香港人#追夢#人物故事#妹豬日常#花藝#小店#文具店#精品店#手作#手作人#開店#商場#旺角#疫情#疫市#支持小店
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
