【#好人好事】熱心港女派物資做樹窿， 組隊做義工實行「港人自救」——Emily Tai 將愛傳出去
「好彩公司嘅合作伙伴好幫得手，我唔需要花太多時間打理，我諗我而家花大約98%時間派物資同做義工！」Emily爽朗地說。
疫情肆虐多時，在過去兩年間，幾乎全球人類深陷其中，我們的生活不再一樣。
前一陣子，本地感染宗數天天過萬，在朝令夕改的防疫、隔離政策下，全港市民無所適從，幾近求救無門；又或是在疫情初期，大家左撲右撲，在多個FB帖名留言「兩盒THX」，只求為自己和家人買個保障。
2020年初，Emily的公司因疫情停工，當時相當「得閒」的她，眼見香港陷入「一罩難求」、全民瘋搶防疫物資的困境，便飛往日本走遍當地藥妝店，購入三千個口罩送回港派給有需要的人，希望幫得幾多得幾多。
「我喺新聞見到有老人家喺寒天之下，排好耐隊都買唔到口罩，當時好心悒，覺得一個城市唔應該發生啲咁嘅事情，決定要做番啲嘢，就一直派物資派到而家。」她憶述。
化身「樹窿擔當」
由「Emily Tai 派口罩」做到「Emily Tai 將愛傳出去」、由全天候一腳踢做到集結了一群義工支援，Emily的工作不再僅限於派發物資，更兼顧大家的心靈需要。
「好記得2月頭時，第五波疫情殺到，我都成為咗密切接觸者，因為屋企有大肚婆，所以我唔敢番去，困喺車度瞓咗三十幾個鐘，打爆電話都搵唔到人查詢可以點處理，無奈又無助。連我本身一個幾硬淨嘅人，當下都喊到成個豬頭咁，更何況其他處境更加困難嘅人呢？」
思及此處，Emily決定再進一步化身「樹窿擔當」，在關鍵一刻給予精神上的支援。「試過有位太太嘅先生做中港貨車司機，明明香港驗係陰性，去到中國就變陽性，比人捉咗入當地醫院，咁啱屋企兩位小朋友又發燒，佢好擔心小朋友係咪中招，可能太多事情一次過發生，一時間處理唔到，打比我喊足四個鐘，期間更加講到自己想死。」
在凌晨時份的這通電話，Emily一邊駕車為這位太太送上物資，一邊傾聽她的哭訴、安撫她的情緒，一聊便是一宿，直至天亮。「傾完電話，佢收拾好心情後就繼續做番位堅強媽媽，因為知我擔心，之後都有Update我大人細路都無事。其實有時情緒一到，只要有人願意做下樹窿，成件事就唔同晒。」
做得幾多得幾多
為回應社會上不同的需要，Emily將近二百名義工團隊分成不同小隊，包括是回應求助問題的「鍵盤戰士組」、為大家尋求物資的「福利組」，以及運送物資的「勞力組」等。
「幾波疫情已經搞到香港七勞八損，根本已經係一場大災雖，有網友話有家人自殺離開咗，好多個案都好令人難過，所以都係嗰句——做得幾多得幾多。」
她笑言，疫情可以傳染，愛心同樣能夠傳播。「七百萬人一齊嗌救命係解決唔同件事，大家要學識自救，首先照顧好自己、安定自己嘅心，然後再向身邊人施予援手，將香港人守望相助嘅精神延續落去！」
文：高妹記者 @gomui.173
圖：Emily Tai 將愛傳出去
#StartChing #StartChange #Homekong #hkstartup #dreamer #香港人 #追夢 #人物故事 #香港人自救 #香港人加油
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
