【#追夢者系列】學校工作紙變精緻模型？紙雕狂人冀香港文化變世一——Benson Walker Chen
在中學上課苦悶日子中，利用身邊最不缺乏的紙張打發時間，意外成就了Benson的一門與別不同的手藝。「上堂無嘢做就當工作紙係玩具玩，捲成一條就係激光劍，捲幾條就可以砌成飛機，由2D變3D，成個過程好有趣！」
如是者，他一捲便捲了十四個年頭，這個五月更在富利來商場搞展覽《紙，全部都係紙》，展出其十八件全紙製雕塑，由恐龍、鹿/馬，到機械人等，均由大家眼中平平無奇的白色A4紙製成，每一件都精緻非常！
他早年的作品多以動物為主，講求以紙卷由骨骼開始，勾勒出動物立體透視的擬真形態，在過程中打好基本功，慢慢開始能夠將心中所想轉化成作品。
「我好喜歡夜晚播住海洋音樂，慢慢放鬆自己，喺好寧靜嘅感覺下創作。近年作品主要係表達個人想法嘅創作，比如係指鹿為馬，或者係帶住笑容面具、拖住行李嘅角色，表達我對近年港人移民潮嘅心情。」
從平凡發掘不平凡
Benson出身機械工程學系，作品結合了其自創工藝、個人創意與機械工程的知識，成為能夠代表到自己的一門手藝。「我向來唔追求做第一名，但鍾意做獨特嘅事情，我相信呢一點正正就係做藝術創作嘅意義所在。」
他向來喜歡留意身邊的事物，從平凡當中發掘不平凡，「我好鍾意A4紙可塑性好高嘅特質，能夠將大家眼中平凡嘅A4紙，變成一件件唔平凡嘅作品，為大家帶嚟驚喜，呢件事令我覺得好有成功感！」
這次展覽選址、位於炮台山的富利來商場，原本亦不過是一個城市中平凡的街坊商場，卻在活化計劃中發展成集結本土特色小店的文創基地。
「我覺得富利來同自己都一樣，一直努力喺香港做文化創作，等待比更多香港人發掘，我希望自己能夠成為香港文化嘅一環，一齊推動香港文化成為世一！」
《紙，全部都係紙》展覽
日期：5月1至31日
時間：中午12時至晚上8時
地點：炮台山京華道9-27號富利來商場1樓
文：高妹記者
圖：Benson Walker Chen
#StartChing #StartChange #Homekong #香港人 #富利來商場 #紙雕藝術 #A4紙 #紙全部都係紙 #指鹿為馬 #移民潮 #香港人加油
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
