祝大家嘅媽媽母親節快樂
【#香港品牌】母女檔憑手工糖殺出血路，「望媽媽有精彩人生下半場！」
「走定留？」 是人生不同階段總要面對的問題。
約6年前，工作上得心應手的許政（Doris），竟選擇離開Comfort zone。起初對前路毫無頭緒，後來一盒禮物竟促成她與媽媽創立手工糖果品牌「嚐賞」的契機，這盤生意令母女感情倍增，還賺來四方八面的人情味，心中富有得很！
「阿媽不如我哋賣糖！」
「我鍾意做記者，但又未至於愛到終生，同埋亦想發掘其他工作可能性。」做了6、7年副刊記者的Doris，有天就毅然辭職，離職後一直百無聊賴，直至大舅父送來一盒名牌紅棗糕。
許媽媽一向鍾意鑽研廚藝，對那盒糕「念念不忘」，參考過很多台灣相關食譜，經過改良後，決定以無添加糖、無香料、無油的方法，將水果煮爛，純粹靠果膠的甜味，再加入紅棗，做成隨時可品嘗到的紅棗糖。「佢亦炮製咗其他味道，好似南棗、杏脯、無花果、桂圓等，人人吃過都讚好。有日我就話：『不如我哋賣糖！』」許媽媽也支持其主意，更將品牌命名為「嚐賞」，取其品「嚐」及欣「賞」之意。
創業初期家中設「生產線」 回想「戇居」趣事
2016年年尾，Doris在facebook開設專頁宣傳品牌。「有次返舊公司探同事，亦帶咗啲糖返去，上司話好食，仲問：『有人報（道）咗未？無就快去報（道）！』條片一出就爆紅。」短片一上架，留言收不停，首天多達200、300個！最終有近百個訂單，她們在手忙腳亂中度過創業的首個農曆新年。
每朝許媽媽煮糖，Doris則背着放滿手工糖的大背囊出去送貨，每次走訪4至5個港鐵站。由於背囊又大又重，她怕一坐便難以起身，所以全程背着它站在車廂內。回家後立即投入「生產線」。整整一個月，在家日以繼夜用電飯煲煮糖、用人手壓糖、切割、包裝等。訪問中，Doris多次以「好瘋狂」、「好搞笑」來形容那段日子：「當時連味道嘅Label都無，只有我哋先知咩味，成件事好戇居，但我哋都好認真跟足Order擺啱味道。」
曾遇食環「放蛇」教訓
不諳在家製造食物屬違法，做了半年左右，終遇到食環「放蛇」的教訓。要能繼續經營，必須要有合符法例要求的工場、牌照等。Doris毫無營商經驗，很認真的邊做邊學，連包裝的插圖也是親手繪畫。品牌開始薄有名氣，逐被不少零售店垂青，近年更頻於市集擺檔，方便疫情下不願誇區活動的人。
以手工糖連繫母女情 感恩遇好客「賺足」人情味
除金錢外，創業還有更多意外的Bonus，其一便是創業後兩人的母女情增進不少，「其實如果想賺多啲，我會搵同齡人合作，更加拼搏！不過我同媽咪一齊做，呢樣嘢反而緊要啲，因為可以令我哋兩個有更多相處、話題，媽咪已經60幾歲，創業可以令佢有同上半生唔同嘅下半場！」
有班恍如朋友的客人，亦教Doris感到窩心。「佢哋喺facebook知道我媽整親，就拎藥膏上嚟。知道我鍾意『花呢花碌』嘅嘢，就送花花口罩，總之我哋收到好多禮物，做生意做到人哋會記得你嘅喜好！」她深信，錢是一分一毫的賺回來，而人情味呢，你付出，對方看得見，才有回饋。「生活喺香港咁沮喪，你用心嘅經營，別人係會用自己嘅方法話畀你聽：『我哋一齊努力！』。」
文： Wendy @lainga.lai
編：肥妹記者 @fatgirl.insight
圖： 嚐賞
#StartChing#StartChange#hongkong#Startup#hkstartup#hkstartupers#dreamer#hk#hkstory#handmade#diy#香港#香港人#追夢#人物故事#香港品牌#嚐賞#手工糖果 肥皮攝記
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
