【#樂齡樂活】1分鐘縫140針快如機器，73歲老師傅：好彩無手震仲做到！——Benny Woo Sartorial
「縫呢啲布同針黹有個笑話，大約是30幾年前，我喺工場做嘢，嗰時喺樓上舖，兩個外國人上來參觀，我招手話：『Hello，過來』，我就做呢個針黹俾佢睇，佢睇完之後話『Oh My God』，快啲快啲整多兩套西裝！」製作高級西裝逾半世紀的胡忠林師傅大笑著說，「我唔識英文，佢同負責人話他差不多和車布一樣快，他話大開眼界。 我哋嗰一輩，絕大部份已經無再做裁縫，我運氣好身體OK，無手震仲可以做呢個動作。」
胡忠林師傅現時在中環喜訊大廈開設自家品牌Benny Woo Sartorial，為客人度身訂製高級西裝，曾經在不少名店如Prada、Miu Miu、Ascot Chang工作，又為過不少名人製作西裝，當中的手藝功架不是一朝一日可以鍊成。
重覆練習兩個月 只為一個針法
「我14歲學師， 17歲就做師傅，做到現在已經73歲了 ，做咗50多年。」回顧小時候跟爸爸學師，過程十分艱苦，要「坐定定」兩個月，連續不停用針縫來縫去，只為了練習一個針法。「細時我有7個兄弟姊妹，我排行最大，你知道以前係好艱難，我讀唔到書，於是爸爸就話『衰仔出來學師』，爸爸係做裁縫、做西裝，爸爸話跟佢搵食，於是咁就做咗一世！」
為拆開一件高級西裝「偷師」 等了10多年
當年洋服店William Yu十分有名氣，胡師傅在該店工作時看到客人的西裝掛起很漂亮，當時已經很想學習當中的奧妙，「嘩，最好可以學到呢件西裝點樣構造，學到就不得了！原來呢件西裝係意大利製，只是客人暫時存放的，我沒理由拆開看裡面。」
一件高級名牌西裝要價不菲，胡師傅一直等待一個機會。在十多年後，西裝訂製黃金時代已漸漸消逝，「呢一行開始有啲沒落，我睇報紙睇到The Swank（詩韻）請人，嗰時26、27年前，我已經月入萬多元，但詩韻只係出7千多元人工，我心想點算？」
為意大利西裝著迷
為了突破自己，胡師傅狠心降低人工擔任改衫師傅，「因為我想學個啲意大利手法，你去改衫可以拆開西裝，可以看到構造，我好想進步，好想研究當中的技術，於是我都去做。當公司有客人著起西裝唔滿意，就會問師傅可唔可以改呀？我即刻話改，改就可以拆開看看裏面的構造！」
從客人的高級名牌西裝，胡師傅「偷師」到意大利最頂級的西裝做法，「原來以前做嘅一啲手法係錯！以前有啲地方硬係唔夠平伏，佢做出來好平伏，原來就係呢啲分別！拆開後舖開便知道，呢件西裝是如何裁剪，所以我依家嘅手法都是跟足意大利技術去做，因為真係世界頂尖咁靚！」說起西裝，胡師傅眼裡閃起了熱情的火花。
文：肥妹記者 @fatgirl.insight
圖：StartChing
#StartChing#StartChange#hongkong#Startup#hkstartup#hkstartupers#dreamer#hk#hkstory#香港#人物故事#追夢者#創業#師傅#西裝#西裝訂造#裁縫#興趣#針黹#Bennywoosartorial#bennywoo#胡忠林師傅#胡師傅
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
