【#追夢Ching】深夜．一個人．小醫館，讓病人邊看診邊吐苦水—— 寸心中醫
在大角咀一個小商場的一隅，有一間一百餘呎的小醫館。
小小的中醫館簡潔企理，白牆配搭上淺木色藤椅、方桌、牆身木架，給人溫馨如家的感覺，本地註冊中醫師兼寸心中醫創辦人張瑩為醫館取名為「深夜．一個人．小醫館」，特意將診症時間延長至晚上十時，讓「得閒死，唔得閒病」的都市人能夠在下班後來看症。
為病人診症前，張瑩會先在玻璃門處拉上布廉，仿如將生活的種種煩擾隔絕在醫館之外，一位醫師、一位病人在私隱度十足的空間中，一聊便聊上近一個小時。
張瑩相信心境影響身體，希望營造一個舒適的看診環境，讓病人能夠安心自在。
「所謂『一個人』，講緊係呢度得我一位醫師，睇症、做治療、執藥都係我；同一時間亦只會有一位病人，有啲傳統中醫館睇症環境比較開放，可能就咁落個簾，等藥、等睇症嘅病人有機會聽到，談及身體狀況、病情呢啲私事時，點都會唔舒服。」
作為90後女醫師，張瑩的客路以年輕女性為主，不少人處於事業衝剌期，生活壓力頗大，正好需要一個喘息空間「抖抖氣」。
「比如呢度張凳都幾舒服，又會開住香薰機，希望大家可以喺安心、舒服嘅環境下分享身體狀況，又可以同我傾下計，喺度放低生活煩惱，最後可以抱住放鬆嘅心情步出醫館。」
「我覺得自己係零。」
花近一個小時與病人看診聊天，每天最盡只能接到約十單生意，無論是在中醫行頭中，或者從營商角度來看都似乎有些匪夷所思，當初張瑩決定走這條「賺唔咩到咩錢」的方向，與她過往在公營中醫診所的經歷不無關係。
「講緊一日要睇成40位病人，只能夠喺好短時間內完成望聞問切，對我同病人嚟緊都幾『Chur』下。」
一位情緒不穩、甫進入病房便「爆喊」的病人，令她不禁反思這種看診模式的弊病。「我好想花時間安撫佢嘅情緒，但當下出面仲有十幾位病人等緊，亦都要配合診所嘅運作，唔係話我想OT就OT，我只能夠比張病床佢休息一下，而無其他嘢可以做到。」
作為當時初出茅廬的醫師，原本她躊躇滿志想實踐理想，「但嗰一刻我覺得自己係零，不斷諗我入行嚟係為咗乜？」
棄移民過半退休生活
在建立「深夜．一個人．小醫館」前，原本張瑩已隨家人移居台灣，過著優哉悠哉的半退休生活。「因為當地中醫註冊制度問題無得繼續做中醫，所以我就跟屋企人經營民宿，又自己學下整皂、香薰治療，喺當地長住生活點都不成問題。但我發現無論做咩都好，無一樣嘢可以好似我做中醫、醫好一個病人咁開心。」
最終她決定回來香港「重新出發」，並努力成為自己理想中的中醫師，「可能係喺另一個地方思考咗一段時間，了解到自己嘅想法，就決定豁出去，唔諗太多行規，亦唔諗住話賺咩大錢，賺到足夠就OK，只希望做番最直爽、簡單嘅自己，用自己最鍾意、舒服嘅方式經營一間中醫館，用心對待每一位病人！」
文：高妹記者 @gomui.173
圖： 寸心中醫 @herzchinesemed
#StartChing #StartChange #Homekong #中醫 #中醫師 #半退休 #深夜一個人 #90後 #非凡女生 #追夢 #香港人 #香港人加油
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
