【#追夢Ching】跌斷手仍堅持為客「剪靚頭」，理髮師搞文青共享淨土——TH33
在大圍其中一個街口轉角，還記得年多、兩年前，仍是一間售賣戶外用品的兩層高店舖。現在大部分落地玻璃被拆走，換上白色外牆，加了一些玻璃磚，型格中帶點神秘感。與附近店舖似乎格格不入，但並不突兀。
「我哋呢度嘅概念係一間生活館。」Herman是這裡的主理人，去年底與幾位朋友夾份開設這間店舖「TH33」。
鬧市中的一方淨土
生活館劃分成三個區域。主空間寄賣香港製造的產品，蠟燭、香水甚麼種類都有；玻璃牆後的小空間是咖啡店，而上層則是髮型屋。
「實體上開業個幾月﹐我覺得有少少似收容所。雖然講得唔太動好聽，因為可能我諗唔到更好嘅字眼。收容所嘅意思，就係俾街坊免費喺呢度坐，可以歎下冷氣、自己抖下。我希望呢度成為鬧市中嘅一方淨土、沙漠中嘅一片綠洲。」
三個截然不同的空間，卻有著一種莫名其妙的聯繫。是藝術，也是態度。
Herman是一名髮型師。當了十七年，卻仍對每一個「頭」很堅持，難聽點就是很固執。寧願少接幾位客人，都要讓客人用上更優質的髮型用品、擁有更「襟睇」的髮型。堅持從來不易，「呢啲唔分年紀，只要係你追求嘅事情，你就會願意為呢件事付出。我做咗十七年，從來無改變過工作態度。」
患上骨質纖維化
他早年曾跌碎過整隻右手，卻仍然沒有放棄。「我天生係有病，佢叫骨質纖維化，啲骨好脆弱，未去到玻璃骨，基本上我跌一跌低都會斷啲骨。但我唔會諗放棄，右手唔得咪用左手，左手唔得咪搵嘢駁返佢。」現在他右手裡全是金屬，活動能力大減，但他還可以剪髮，背後靠的正是堅持與經驗。
跳出來開店，理應可以繼續「食老本行」，但Herman卻選擇分享。在難以達到收支平衡的預期下，仍然將店內最搶眼的位置留給其他藝術家寄賣產品。「我唔係要營造到呢度係屬於我，係Herman嘅一個地方。我希望呢度盛載嘅係一班喺香港土生土長、普通市民嘅理想；希望利用自己嘅本事、本錢，提供一個幾乎免費嘅平台，令更多人認識一班有能力、有態度嘅藝術或文化人。」
追夢從來不易，要知道這樣「有態度地」營運一間店舖，基本上與「燒錢」沒有分別。Herman很慶幸從小得到家人支持，少了負擔，所以他寄語追夢者要分清楚夢想與現實。「要適當地將佢拎起、放低，咁樣你先會行得更遠，先會做到想做嘅嘢。」
文、圖：Mickey @mickey_lcy
編： 高妹記者 @gomui.173
#StartChing #StartChange #Homekong #大圍 #理髮店 #咖啡店 #文青藝術店 #香港製造 #理髮師 #追夢 #香港人 #香港人加油
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
