【#追夢Ching】感嘆歷史建築陸續消失，開PAGE論盡本地城市保育——香港歷史研究
就似這一區
曾經稱得上 美滿甲天下
但霎眼
全街的單位 快要住滿烏鴉
我們熟悉的社區、景觀，不知不覺間逐漸淹沒在時代洪流，消失的唐樓、舊區、歷史建築……作為建築師的黎雋維（Charles），感覺就更深刻。他早在十幾年前，開始在FB和Blog寫文章，與大家分享香港的歷史建築題材，現時就在IG開設「#香港歷史研究」專頁，細講香港的建築特色。
「作為建築師的責任唔係淨係點樣起樓」
講起自己的入行經歷，Charles為自己的工作增添一份意義。「以前細個覺得建築好神聖，因為城市好多野受建築影響，特別係香港每吋空間都有設計者係背後，係好有力量；有時覺得有啲空間唔應該係咁，或者可以做得更好，自己都希望可以參與。」
見到越來越多歷史建築消失，Charles都直言覺得好可惜，雖然年輕一代的心目中，對於歷史都好重視，但建築能否留下，仍然要看業主，一見到經濟壓力，就會有好多考慮。
「五年前我會覺得有無力感，今日完全唔係呢個感覺」
以小市民的力量，要保留屬於香港的建築，似乎有點不著邊際。不過，原來保育已經不再是天文數字，Charles反而覺得開始見到有希望。「成個形勢比起5至10年前好左好多，因為呢幾年好多人做左好多野，相信正在向住好既方向進步緊。」
以 #深水埗主教山配水庫 做例子，要到政府清拆配水庫時，引起街坊關注，最後成為社會焦點。他認為，經過一大輪討論，最終成功保育，相反映其實有很多事可以做到。「見到以前太多呢類例子，因為長時間無人理，有好多漏網之魚，好似主教山咁，當有件事以前錯左，當大家力度夠既時候，出力去做係改變到。」
「建築要融合轉化係好漫長過程，呢刻仲未摸索到」
Charles希望，可以在新建築應用傳統的香港建築特色，但坦言，並非5至10年就可以做到，亦不應該強行融合。「市建局既模式好容易好似 #灣仔囍匯 咁樣，係一種假既歷史感，如果將所有野拆哂，按返好耐以前既樣再重新做，會係好生硬，保育唔應該咁樣」
Charles的工作除了建築保育之外，亦希望多做研究和教學。他寄語關心香港歷史建築的大家，可以多觀察城市有趣的建築元素，多關心城市間的歷史「漏網之魚」，有好多人蜂擁而至的舊區，反而毋需太過著緊，找找有趣的城市空間！
文：Gary @infinite_whgary
編：高妹記者 @gomui.173
圖：水務署、香港歷史研究 @hkarchitecturalhistory
#StartChing #StartChange #Homekong #hkarchitecture #hkhistory #追夢 #城市保育 #城市空間 #城市建築 #歷史建築 #建築師
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
