【#香港品牌】討厭整餅但堅決執掌餅店，「唔想無咗Daddy留低嘅嘢」
這是一個街坊小店的故事，也是一個女兒為延續亡父對手藝的堅持。
紮根西環已36年的「華爾登餅店」，由孫氏夫婦經營，一直堅持用人手製造各式各樣傳統飽餅。十多年前孫生病逝，女兒芷玲（Naomi）不忍媽媽獨力支撐經營店舖，於是離開正如日中天的事業，毅然執掌餅店，可是Naomi對入廚、整餅，以至餅店生意均毫無興趣，因不忍爸爸苦心經營的餅店付諸流水，決定由低學起，保留餅店之餘，更傳承人手製作的精神。
孫爸爸1984年成立華爾登餅店，小時候的Naomi，放學後返餅店，總是望着忙於整餅的家人，縱然在耳濡目染的環境下，但她從來沒有經營餅店的志願，甚至連入廚、整餅也不喜歡。長大後，她投身職場做市場推廣行業，發展得一帆風順。
2009年孫爸爸不幸逝世，Naomi哥哥接手餅店，其後想發展另一新店，希望Naomi回來幫手。「如果得阿媽一個做太過吃力，果陣我第二個階段升職，所以更加掙扎。掙扎咗半年，最後都決定辭職。」執掌初時她完全是個「無靈魂只得軀殼」的人：「12點返工12點先去鋪頭，8點收工我7點就收，頭三個月連媽咪都頂我唔順。」
三年勁蝕終靠粗口月餅爆紅
當時餅店位於德輔道西，隨着港鐵西港島線的通車，附近三個小巴站只剩下一個，人流大減，影響生意，業主卻要求加雙倍租金。
街坊餅店如何應付十萬的租金？
Naomi原本打算放棄，有天去第二街的郵局辦理事務時，發現該處有吉舖，且人流不俗，便成為新店的選址。
開業首三年，整條街的店舖一間又一間的結業，餅店生意滲淡，經營得相當艱苦，收入只夠支付師傅的薪金，她與媽媽唯有零人工，同時亦減省所有個人娛樂。「一日都無二千蚊生意！我拎成副身家出嚟冒險！」第四年才突然好轉，因為她忽發奇想的「#粗口月餅 」（月餅表面印有粗口字眼）爆紅，之後推出很多獨別口味的曲奇餅，如咖啡腰果曲奇、花生醬曲奇等，愈來愈多人留意，甚至山長水遠來幫襯。
「我唔想無咗Daddy留低嘅嘢」
她接手餅店已9年，現時主打曲奇及其他餅點，不賣麵包。經歷不少後的她對整餅依是零興趣，但投入程度卻增加不少。「薯片日日食都可以，曲奇唔可以，你要不停諗新嘢，先至有人流。咁樣我好攰，但無辦法做生意就係咁樣。（鍾唔鍾意做生意？）好唔鍾意㗎！我唔鍾意㗎！我覺得好攰，人生點解要咁攰呢？」
為何會堅持做不鍾意的事？聽過她的答覆，不期然湧現一個字——愛！「呢個係Daddy留低嘅嘢，我唔想無咗，所以用咗第二種方法嚟維持。」雖然自己不喜歡整餅，但她堅持要學識人手做麵包、曲奇等，慶幸找到好師傅，以及喜歡烘焙的表妹幫忙，「爸爸好堅持人手製造，我亦想堅持佢呢份精神，總之買曬就停，我唔想媽咪咁辛苦。」
文：Wendy @lainga.lai
編：肥妹記者 @fatgirl.insight
圖： 華爾登餅店
#StartChing#StartChange#hongkong#Startup#hkstartup#hkstartupers#dreamer#hk#hkstory#wahyeetang#香港#香港人#追夢#人物故事#香港製造#香港品牌#華爾登餅店#華爾登#街坊小店#街坊餅店#餅店#小店#散水餅#Lastday#散水#散水禮物
＝＝＝＝＝
Binery為初創推「平價」會計服務，以AI取代人手成本，用埋StartChing獨家優惠碼「startching5binery」，可享額外5%折扣！
了解更多：https://binery.co/
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
