【#追夢Ching】花式跳繩「世一」躋身IT界，搞跳繩教學App冀向全球推廣——花式跳繩運動員張柏鴻 ROJU
把自己熱愛的運動傳承下去，相信是一眾運動員的心願，花式跳繩「世一」張柏鴻亦不例外。去年躋身初創界別，創辦花式跳繩教學應用程式「ROJU」。創業過程挑戰多，教人氣餒，但憑着運動員不屈不撓的堅持態度，這個糅合花式跳繩、健身訓練、電子競技、教育和娛樂於一身的App正式上架，讓普羅大眾把花式跳繩融入生活中。
遲起步的世一運動員
花式跳繩運動員通常早於小學就學跳繩，張柏鴻起步較遲，但因為喜歡，決心下苦功。2009年，中二參加社際跳繩比賽被招募至校隊，其後更被港隊羅致。花式跳繩比賽分為個人、團隊（6人）及表演盃（16人），他參加的是團隊賽。「隊友年紀同我差唔多，但資歷畀我高好多，個個都參加過世界賽，我要急起直追，所以差唔多日日去練繩。上網搵片睇不停試動作，亦會同隊友練習同埋分享意見，佢哋係驅使我進步好大嘅原因之一。」
到了2018年，他轉戰個人賽。「團隊好玩嘅地方係大家要成功做到一堆花式，呢個過程好開心、好熱血。而個人賽競爭好激烈，佢嘅吸引力就係要不斷Set目標令自己進步。」近年他更為港增光，在世界跳繩錦標賽2018暨上海國際公開賽中奪得世界冠軍。
由開學校到設計App
在花式跳繩項目已浸淫13年之久，他深知運動員黃金時間有限，除以運動員身份出賽外，還不斷探索更多推廣花式跳繩的可能性。2014年創辦跳繩學校「香港花式跳繩學社」，期間曾把資訊科技應用在學校行政方面，亦漸萌生研發花式跳繩教學應用程式「ROJU」的念頭。
「教跳繩係好Labour-intensive嘅工作，你教得幾多人？除咗本地，曾被邀到外地做Workshop，之後我哋Develop咗好多教學方法。果陣好多人鍾意拍片放上TikTok、Reels，再Tag返我哋。呢個係一個好大嘅動力，驅使我研發App。」他參與了數碼港培育計劃獲取資助，希望建立類似花式跳繩的資料庫，讓用戶可以更有系統地搜尋運動資料。
「創業要行好多冤枉路」
作為一個跳繩運動員，學花式的時候，失敗的次數一定好多，憑着這股永不言棄的態度，克服創業的挑戰。大學主修風險管理，並無任何IT技術背景，唯有上網自學相關知識。知識可以學到，做生意講求市場觸覺，學也學不來，特別是初時市場定位較模糊，花了不少時間才摸索合適的發展方向，正如他所言：「行咗好多冤枉路」。「初頭諗住喺精英運動員層面推廣，但發覺呢個市場太細，作用唔大。反而好多人反映疫情下想做『好有畫面』嘅運動，亦有人想用跳繩減肥，於是就轉咗發展方向，針對普羅大眾。」
「ROJU」App於2021年9月正式上架，結合花式跳繩、健身訓練、電子競技、教育和娛樂等元素，具有在線學習、影片分享、記錄運動卡路里等功能。截止現時為止約有三千多個用戶，遍佈世界各地，最多用戶的年齡組別為25至40歲。「當初完全無諗過呢班人會咁想學跳繩。而由精英運動員轉向大眾層面推廣，我覺得係一個非常好嘅發展方向，可以畀更多人玩到呢個運動。」今年10月中App會推出新版本，未來他也會繼續邊做邊了解用戶需要，務求提供更在地的運動體驗。
文：Wendy @lainga.lai
編：肥妹記者 @fatgirl.insight
圖：Pakhung Cheung /ROJU: Jump Rope & Fitness App
#StartChing#StartChange#hongkong#Startup#hkstartup#hkstartupers#dreamer#hk#hkstory#rojuapp#jumprope#ropeskipping#香港#香港人#追夢#人物故事#香港製造#花式跳繩#花式跳繩運動員#花式跳繩運動員#運動員#世一#張柏鴻#數碼港
＝＝＝＝＝
Binery為初創推「平價」會計服務，以AI取代人手成本，用埋StartChing獨家優惠碼「startching5binery」，可享額外5%折扣！
了解更多：https://binery.co/
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
