【#綠色生活】24歲計劃遺言「驚無故仔講」，辭職創業搞上門回收平台——The Loops 家居回收
有沒有想過連黏著粉底液的瓶子都可以做回收？一般我們難以清潔乾淨的家居物品，或者「The Loops 家居回收」都可以幫到你。
3年前，24歲的Jorch（黃靖羲）經常拉著一大車回收物到處上門回收，試過被看更認為是收垃圾的人，「無論你點同佢講，佢都會覺得呢堆嘢係垃圾。」回想起初剛剛大學新聞系畢業，再出社會工作的日子，Jorch認為當時的自己十分迷失，不知道上班的意義，「雖然做記者和廣告行業都會俾客讚，嘩呢個post好正呀，但你唔會因為呢件事而開心好耐。」
24歲計劃遺言「驚無故仔講」
突然有天，這位年輕人竟然開始思考自己的遺言，「可能當時太多OT ？又或者好想搵到個意義，想搵到死前係會同到個孫講返既故事，於是我就上網睇老人嘅訪問，睇下人哋既故事，當時都有諗過會唔會係錢呢？但係發現係冇人mention過錢。」
「點解要人哋使錢去幫你運走垃圾？」
Jorch於是想到了環保，「一般人覺得咪就係3色桶，但其實塑膠都有分好多類，如果香港嘅回收物要做得細緻，我屋企最近都要去坑口。試過做義工，見到義工們連車費都要自資，就會覺得點解要人哋使錢去幫你運走垃圾？」於是他就想到要建立一個上門回收的計劃，讓關注環保的人士多個選擇。
完全零IT底子的Jorch開始上網學習寫程式，2019年2月辭職，同年11月寫出程式以及註冊公司，到2020年2月終於迎來第一位客人，至今單是將軍澳區已有3、400用家。一開始Jorch都只是乘搭巴士回收別人的物品，「一個籃，每星期上門回收超過40種回收物，包含超過90%日常廢料，每月$128 管理一個家生產出來的廢料。」
沒有最環保 只有更環保
他表示最容易回收的是膠樽和最難回收是化妝品，因為要清理處理，例如唇彩很困難，但不建議自己清洗化妝品，因為當中含有的抑菌劑會沖落水再流出大海，如果污水廠沒有去除這些抑菌劑，就會有很大問題。」遇過各色各樣的客人，最令他難忘的是一位「最環保的客人」，他甚至會將撈麵三包連着的醬料膠袋洗乾淨，「睇到佢咁極致，自己下次食麵嘅時候，也試著把醬料包清洗乾淨再掉。」
Jorch今年參加青年共創項目比賽「Cre8 by AIA」贏得30萬資金，過程中更了解到其他人怎樣去看待你，「自己會覺得30蚊一次（收物品）都唔係好貴啫，順豐運費一次都30蚊 ，但係人哋唔係咁樣睇，因為掉垃圾係唔使錢，有人話如果有嘢拎返會再開心啲囉！」於是他近期便推出了回贈現金券計劃，希望獎勵願意為環保付出的客人。
文：肥妹記者 @fatgirl.insight
圖：@The Loops 家居回收
#StartChing #StartChange #hongkong #Startup #hkstartup #hkstartupers #hkstory #香港 #香港人 #追夢 #香港品牌 #Theloops #doortodoorrecycling #TseungKwanO #Whampoa #TsuenWan #MeiFoo #MaOnShan #Central #Taikoo #HongKongRecycling #上門回收 #將軍澳回收 #黃埔回收 #荃灣回收 #美孚回收 #馬鞍山回收 #中西區回收 #太古回收 #香港回收
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
