【#追夢CHING】26歲女生靠自己擁5盤生意，靚女工作狂信越努力越幸運
Serena的IG Bio其中一句寫道：「#越努力越幸運」。只要稍為留意一下她的IG的話，便會知道她並非只將這一句說話掛在嘴邊，而是用行動來實踐出來，因為每逢滑到她的IG Stories，都必然是滿滿的工作日程，她絕對是一位從不言休的工作狂。
因為家庭的情況，Serena由中學開始便身兼多職來賺取生活費，洗碗、侍應、派傳單等散工都一一做過，處事想法比起大多同齡人都來得成熟。
🌸 自小受濕疹困擾
踏上創業之路的契機，始於從小便極度困擾她的濕疹問題，「青春期時成面暗瘡，試過所有方法都搞唔掂，對自己完全失去信心，後來喺IG分享自己爛面經歷時識咗不少同路人，發現身邊有唔少『姊妹』都受皮膚問題困擾，明白外貌對女性喺建立自我認同時有好大影響。」
在一直分享護膚產品的真實用後感的過程中，因為網友的一句「想試吓」，她便展開了第一盤與美容相關的「小生意」——美容產品代購。
上學、工作兩邊走的Serena，利用凌晨的時間營運IG，細心回覆網友，用心記住每一位客人。「比起客人，她們更像是我的朋友、好姊妹。」她深明受皮膚問題困擾是一件相當難過的事，因此她希望幫助這班女生解決皮膚問題，同時透過給予她們關愛，令她們找到自己的價值。
🌸 我的字典中沒有放棄
雖然她很早踏入社會大學，但對經營生意還是一竅不通，一切都是由零開始學起，「過程係好辛苦，要經歷好多次撞板，收入又十分微薄，但每次知道客人嘅皮膚有改善到，亦因為咁開心咗、自我形象逐漸提高，我都會由衷為佢哋感到高興，自己亦覺得好滿足！」
在Serena用心經營之下，一間網店在幾年間演變成今天擁有幾項業務的美容品牌，看似一切都發展得相當順利，其實背後面對過很多非常崩潰的時刻。
「又因為客人嘅一句『如果你開美容院就好啦』，我就將過去幾年經營店舖賺到嘅積蓄投資落開設一間美容院，真係啱啱用幾十萬租咗間舖位，第二日就收到美容院嘅停業消息，真係好大打擊。」
當下她的腦海中只有一句說話：「如果而家放棄，之前嘅努力就會完全白費，一定有方法可以自救！」崩潰一刻過後，想到開弓沒有回頭箭，Serena便收拾好心情繼續尋找出路。「我由線上做到線下，而家線下唔得，咪試下做番線上！」
🌸 玩直播闖出新血路
為了籌得足夠現金流在停業期間捱下來，她嘗試透過直播銷售自家美容院的促銷套餐，「我比咗一個超級優惠嘅早鳥價錢，希望大家可以預付咗先，可能因為我本身都做開主持，識得點去同觀眾交流，加上過去經營品牌儲落一班好信任我嘅熟客，直播反應完全超出我預料，仲從中獲得充足嘅資金比我去引入更多專業美容機，同埋揾到一個全新嘅方向去經營呢門生意！」
年僅26歲的她，便憑努力和積極態度闖下五盤生意，包括是坐擁美容院、SPA店及自家品牌產品門市的美容品牌「#Serenia」，並用賺得的第一桶金，投資了一間沙巴精品酒店和一間文青咖啡店。「好多人以為我係有父幹，但其實我由中學開始已經賺緊自己嘅生活費，過去我幾乎無停過落嚟，『一成想法，九成行動』，呢個就係我嘅處世之道。」
文：走甜記者 @hhau_mmm
編：高妹記者 @gomui.173
圖：Serena @smilewithserena
https://www.instagram.com/serenia_official_/
#StartChing #StartChange #homekong #香港品牌 #美容品牌 #追夢 #創業 #工作狂 #處世之道
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
