【#StartChing分享】從網媒到社創的奇妙旅程 StartChing為家舍小朋友設繪本展
「故事嘅最後，大哥哥Issac比小朋友Cheers嘅畫打動，仲特別為Cheers舉辦咗一場畫展，向大家展示佢色彩繽紛嘅世界，大家都覺得好驚喜，原來呢位SEN小朋友腦海中嘅世界係咁美好。」
StartChing於去年底與香港學生輔助會及Rolling Books的代表，在領展愛‧匯聚計劃舉辦的首屆「創匯聚」比賽中分享《你畫你本身的傳奇》項目的構想時，以一個小故事作引子，故事講述一位SEN小朋友遇上熱心的畫家大哥哥，並教他用繪畫來表達內心想法，最終更成就了一場畫展，並藉此令身邊人了解他的世界。
歷時大半年，在領展愛‧匯聚計劃的資助及三方的協作下，《你畫你本身的傳奇》展覽在上月正式誕生，展覽上展出了10位8至11歲、居於屯門石壁宿舍的SEN男童宿生，在一班大學生陪伴下所創作的10本繪本。「Issac與Cheers故事嘅結局，正正就係我哋喺設計項目時嘅期許，好開心最終能夠實現出嚟！」StartChing共同創辦人高妹記者開心表示。
社創項目小編學堂
相信在各位讀者的印象中，StartChing是一個本地網媒平台，定期會在這裡為大家送上香港人的追夢故事。事實上，StartChing早在兩年前便開創了社會創新項目「StartChing小編學堂」，主要為弱勢青年提供課程訓練，培訓他們成為全能小編，並且安排他們建立屬於自己的社交平台。
高妹記者表示，團隊成員均是傳媒行業出身，在記錄過為數不少的追夢者故事後，亦深受鼓舞，成為創立StartChing這個平台的契機，「做記者真係好開心，可以周圍去聽唔同人分享人生故事，因為好感激呢個行業帶比我哋嘅得著，例如係認識到唔同界別嘅朋友、學識透過內容製作嘅技巧與外界交流等，我哋都好想比更多青少年能夠體驗到做記者嘅快樂，所以就開展咗『StartChing小編學堂』。」
除了為中學生、大學生設計生涯規劃課程外，「StartChing小編學堂」項目亦有為不同群體提供課程，例如是長者、少數族裔等。「其中一個我哋特別關注嘅議題係家舍議題，佢哋因為唔同嘅原因入住家舍，無法與家人同住，相信唔多唔少都會有『孤立』嘅感覺，所以好需要外界嘅支援，比佢哋接觸多啲社會。」
因此過去StartChing亦定期為家舍舉辦活動，例如是邀請過藝人杜以辰、Youtuber佩儀擔當講者，向一班明愛培立中心的宿生分享追夢故事，藉此鼓勵一班妹妹勇於追尋夢想。
各施其職讓小朋友圓夢
去年底，StartChing參與了「創匯聚」活動，該活動旨在推動社福機構、社會企業及社會創新組織之間的協作，激發創意去推動新的青少年培育項目，為社群帶來正面影響。
「當日剛好遇上香港學生輔助會嘅同事，大家喺家舍孩童議題上嘅想法一拍即合，即場構想出《你畫你本身的傳奇》嘅雛型，之後我仲拉埋社創好友Rolling Books落水，希望可以增加項目嘅社會效益，最終真係一齊贏咗呢場比賽！」她興奮地說。
一間社福機構、兩間社創企業，三方各施其職，只盼能夠為一班小朋友帶來一段快樂難忘的創作旅程，「好開心嘅地方係，大家都發揮咗自己嘅強項，香港學生輔助會提供服務對象，石壁宿舍嘅院長、姑娘都十分投入呢個項目。」
Rolling Books則在繪本創作出版、籌劃展覽方面有非常豐富嘅經驗，協助將小朋友和大學生的想法一一實現出來，「至於StartChing就安排咗小編工作坊比一班大學生，再帶領呢班大學生經營項目專頁，以及安排佢哋陪伴一班小朋友創作繪本，呢班大學生大部分都係嚟自嶺南大學，可以話係石壁宿舍嘅『鄰居』，加強整個項目嘅社區連結！」
快樂難忘的創作旅程
最令高妹記者印象深刻的，是其中一位小朋友的繪本作品——一開始，它全部都是黑白色的，沒有任何其他的色彩，但是在繪本班的導師和大學生義工的耐心引導、陪伴下，終於在畫作上加了一抹色彩。「每一個故事都充滿驚喜，喺領展旗下嘅天水圍天澤商場舉行公眾展覽時，好多街坊都大讚小朋友嘅創作！」她自豪道。
《你畫你本身的傳奇》，也許是這班小朋友人生的第一場展覽，然而StartChing希望，這個項目能成為他們走向社會的第一步，讓他們重拾自信、感受被關愛和被重視的溫暖，並相信他們將會在人生路上，擁有第二個、第無數個展示自己的機會。
文：Caren
編：@gomui173
圖：@StartChing
