【#追夢Ching】香港唯一國際女球證，唔怕日曬雨淋認真追夢獲尊重
足球可說是由男性主導的運動，女球證要在當中佔一席位應不是易事！80後的羅碧芝（Gigi），自小立志在運動方面發展，當年決定不讀中七，轉而由香港專業教育學院（IVE）相關課程讀起，後再透過累積實戰經驗及持續進修，花了7年終成為香港唯一的女子國際球證。球證畢竟日曬雨淋、又涉及龐大體能需要的工作，所以除不斷提升執法能力外，還需要持續操練體能，她坦言「球證工作會做到跑唔郁嘅時候」。
長跑第一學業包尾
羅碧芝（Gigi）中學時加入長跑校隊，學界跑第一；但學業成績卻不太理想，中一全班考「包尾」，中二也沒甚進步，幸得任教體育的班主任的一番話，令她開竅。「佢知道我好鍾意跑亦想繼續跑，佢話：『 如果中三升唔到中四，你就唔可以跑，所以跑步都要讀書。』」
她開始發憤讀書，成績取得極大的進步，由考最尾到中三時考獲全級第三十幾名，會考也成功考取升讀中六的分數，改寫人生。不過中六時因學業繁重，她一度迷失方向，在老師的介紹下，她認識IVE開辦不少運動管理相關課程。她決定「轉跑道」，放棄中七轉讀IVE基礎課程文憑，之後再升上運動管理相關高級文憑。就讀高級文憑期間，除學習運動管理、運動教育相關的專業知識外，還在老師的建議下考取教練、足球裁判等專業執照。
「認真就會獲得別人尊重」
完成高級文憑後，她繼續升讀才晉高等教育學院（SHAPE）與海外大學合辦的運動管理相關學士學位銜接課程。畢業後，先後從事多個運動相關工作，包括體育主播、體育活動推廣等，同時亦兼任球證。
在香港擔任合資格足球球證，需參與中國香港足球總會舉辦的裁判課程，才可成為註冊裁判員。她一邊累積實戰經驗，一邊持續進修，花了7年時間成為香港唯一的女子國際球證，也是首位執法港超聯的女裁判員。
羅碧芝（Gigi）坦言，初入行做球證遇到不少挑戰。「頭幾年有啲球員、教練可能覺得你生面口，可能會覺得你玩玩吓，甚至有啲『說話』。每場足球賽事最少90分鐘，佢哋見我落場同球員一齊跑、一齊曬、落雨都一齊，久而久之，別人睇到你嘅Attitude，知道你好認真，尊重就會建立起嚟。」
貪靚仍日曬雨淋堅持
要別人肯定你的認真，有賴Gigi一直以來的付出。「為咗判得好、判得準，平時要做好準備，睇其他球賽嘅影片，從中吸取經驗，亦努力Keep住體能，公餘時間都用喺運動方面，除練體能，亦會練間歇跑，以適應球賽時嘅實際情況，同埋每年兩次嘅體能測試。」現時每星期都用2至3日做體能訓練，每次最少做2小時，所以她沒甚娛樂。
做球證要落場日曬雨淋，不知她如何應對烈日的挑戰？她笑着說：「其實我都好貪靚㗎！好注重防曬，好捨得買有質素嘅護膚品，幾貴都捨得，尤其係眼霜。平時好勤力護膚，唔做運動就係喺屋企護膚。」若不是她自爆年紀秘密，絕對想像不到她快步入「4字頭」！
「做到跑唔到果日」
2006年開始做球證，當年包括她在內，本港約有2位女球證，時至今日，已增至二十多人。她表示，人們多數趁在學期間考球證牌，相對出來工作後，可以有較多操練體能。一旦有了家庭、小朋友的話，更加無可能置之不理而走去做球證。「女球證多數做唔長，我諗我係本港持續無停過做球證最耐嘅女性。」
為何堅持這麼久？「我比較『男仔頭』，成日紮紮跳咁，同埋好喜歡運動。我覺得鍾意運動係最重要嘅，球證會做到我跑唔到為止。」隨着年歲增長，再加上疫情關係，幾年前她攻讀學位教師教育文憑課程（Postgraduate Diploma in Education，PGDE），鋪路雙線發展。現時為全職小學教師，任教體育科及課外活動，周六、日則兼任球證。
「每個人都有自己嘅才能」
轉眼間，她已累積廿年的球證經驗，現時在中國香港足球總會任教培訓球證。對於喜歡運動的年輕人，Gigi建議他們不妨嘗試追夢，但同時別忽略兩件事。「我嘅座右銘係每個人都有自己嘅才能，興趣固然重要，但如果你無才能、無天賦就好難成事。第二係搵啱升學出路，就算兜好耐先搵啱路亦唔緊要，但盡可能讀到幾多得幾多，學歷係社會謀生嘅入場券，追夢時絕對唔可以攤大手板問屋企攞錢！」
文：Wendy @lainga.lai
編：肥妹記者@fatgirl.insight
圖：職業訓練局（VTC）
#StartChing#StartChange#hongkong#hk#hkstory#startup#hkstartupers#dreamer#香港#香港人#創業#人物故事#羅碧芝#球證#足球#VTC#職業訓練局#VocationalTrainingCouncil#IVE#HKFA中國香港足球總會
