【#追夢者Ching】靠華麗迪士尼妝容「修煉」，「自chur」化妝師圓紋身夢——@khalifajandin
「細個都已經好鍾意藝術同畫畫，但家人覺得無出路，所以一直都唔敢搞藝術，做到化妝師真係誤打誤撞！」自言喜歡「Chur爆」的Jan，是迪士尼的「御用」化妝師，又為過不少大品牌如Pure Fitness、Chanel、Cartier和Tiffiany等擔任形象設計，誕下兩名子女後，Jan仍對職場上的自己十分有要求，她笑言「我會好似隻牛咁樣，好勤力不停做，好怕嗰種空洞嘅感覺，就會想填滿時間表，令自己嘅生活變得更充實！」近年她再次挑戰自己，執起紋身工具為客人刺青。
靠華麗迪士尼妝容「修煉」
於2005年畢業投身社會後，Jan曾經做過銷售員，有次擔任朋友的化妝模特兒後，對化妝的興趣便油然而生，進修考牌後，她跟隨學校安排的工作實習，不停練習化妝技術。後來迪士尼來港建立園區，到處招兵買馬，Jan「膽粗粗」去面試，沒料到成功通過化妝梳頭的考核，順理成章成為了迪士尼初期獲聘約十人的化妝師團隊。
在迪士尼任全職化妝師的五年期間，Jan有很多的機會接觸不一樣的面容，也可以一嘗化出無比誇張和華麗的舞台妝，「 真係好開心化到好多好難忘嘅妝，迪士尼內會有不少活動同表演，其中例如《獅子·女巫·魔衣櫥》，嗰時有個角色係冰雪皇后，妝容係要將一啲冰化喺眼眉上，呢一啲妝都會令我覺得好興奮！」
不過當熱情過後，重覆的日子令Jan感到有點沉悶，想出去闖。「開始係熟到瞇埋眼都化到嗰妝咁，無咗初時嘅passion同衝勁，對於化妝我係會覺得安慰，自己可以化到呢種妝，但已經唔會感到特別興奮。」於是，愛接受挑戰的Jan開始接其他類型的工作，例如婚禮化妝師、演藝活動化妝等等。
壓力大到兩次小產
雖然這些工作帶來一定的「外快」，但卻不足以令Jan有勇氣辭掉全職工作。雙軌並行之下Jan面對極大壓力，「來回返工都要3個鐘，放工又要即刻撲出去尖沙咀開工，嗰時真係好癲！」壓力更間接導致她兩次小產，經歷人生低潮。直到有朋友邀請她一起創業做化妝工作室，Jan便辭職變成「自由人」，「本來無諗過做老闆，真係好彩有拍檔，千其唔好叫我做管數嗰個，因為我真係搞唔掂計數同行政嘢」Jan笑說。
學紋身「由零開始」
Jan絕對是一個「藝術人」，本身有印度血統，童年由巴基斯坦回港的她，因為很喜歡Henna，便曾經在維園擺市集幫人畫。兩年前Jan「由零開始」學紋身，「自己喺化妝上曾經攞過導師牌，教好多學生，而家要重新由學生做起，初時都好唔習慣。」要虛心學習之餘，又要接觸不熟識的電腦繪畫，不過Jan似乎十分享受這種衝擊，「紋身嘅意義係記錄生命中重要嘅事情，我由1月學紋身，7月已經可以獨立幫人紋身，我好鍾意呢種活著嘅感覺！」
文：肥妹記者 @fatgirl.insight
圖： IG @khalifajandin
#StartChing#StartChange#hongkong#Startup#hkstartup#hkstartupers#dreamer#hk#hkstory#metime#handmade#diy#workshop#pet#pets#pethk#香港#香港人#追夢#人物故事#香港品牌#化妝師#紋身師#化妝#特技化妝#新娘化妝#藝術#Henna#人體彩繪
＝＝＝＝＝
【本月主題：與你共融】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
