【#追夢Ching】玻璃藝術家為追求完美骨灰玻璃，用雞翼、豬扒骨反覆試驗——玻璃藝術家Kenji
「起初玩玻璃係想親手製作生日禮物俾太太，就接觸咗當時日本剛興起的Galaxy玻璃球，之後就發覺愈嚟愈鍾意，整整下就整咗 6年」玻璃藝術家Kenji說，說起玻璃他如數家珍地細談著每個步驟、背後的原理，完全不懂玻璃的記者也確切地感受到他的熱情。
最為人認識的作品要數到骨灰玻璃，Kenji介紹說全球都有藝術家在做，並不是新鮮事，但要做得好和技巧純熟，就需要反覆練習和嘗試，因為玻璃和骨灰的物質不相容，在製作過程中容易出現氣泡，令到玻璃有機會有裂縫，容易碎裂。
用雞翼、豬扒骨反覆試驗
Kenji在兩年多前和 Glazden 創辦人Zimon一起鑽研骨灰玻璃，「客人俾啲咁珍貴嘅骨灰你，無理由變成氣泡俾返人，所以初時半年不斷搵雞翼骨、豬扒骨去試，每日試幾粒，前前後後總共至少整咗一百粒，技術先慢慢掌握到，將最多嘅骨灰融入玻璃入面，到兩三年前技巧純熟，先開始接客。」Kenji指，初期接單以竉物骨灰玻璃為主，但近年香港人變得更開明，較願意接受以先人骨灰製作的玻璃球，創業至今已為近300位客人做過骨灰玻璃。
除了骨灰玻璃，Kenji曾經赴日本拜師學藝，師承日本國寶級玻璃大師「大鎌章弘」，Kenji有不少令人驚嘆的作品，例如帶有複雜線條和點點的玻璃球，每年總會有買手來香港採購Kenj的作品，「我個人係唔可以做重覆嘅嘢，雖然你會話做骨灰玻璃都係重重覆覆嘅步驟？但其實每件成品做出來都會有少少唔同，喺有局限下又做到有變化嘅感覺。」Kenji滿足地說。
文：肥妹記者 @fatgirl.insight
圖： StartChing
#StartChing#StartChange#hongkong#homekong#Startup#hkstartup#hkstartupers#dreamer#hk#hkstory#diy#workshop#Glass#Glazden#香港#香港人#追夢#人物故事#香港製造#香港品牌#手作人#匠人#手作#玻璃#工作室#工作坊#先人#骨灰#灣仔
＝＝＝＝＝
【本月主題：非凡女生】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
