【#香港品牌】創全港首個NFT「賣相」平台，創辦人：想大家尊重返攝影師！——KaChick
攝影從來豐儉由人，可以買上最名貴的攝影「大炮」，亦可以隨手拿起手機自拍。這個年代攝影變得唾手可得，一張照片的價值很容易就被忽略。
有本地初創看準NFT的市場潛力，決意發展一個亞洲區的NFT平台，讓攝影師可以將作品上傅到平台上成為獨一無二的NFT商品，賦予其應有的價值，希望可以做到「攝影有價」，「NFT點解咁值錢？因為佢有好大嘅潛力，我哋相信佢會係Internet 2.0，絕對唔係曇花一現！」KaChick 聯合創辦人張珮琪（Peggy）說。
NFT讓創作者尋回尊重？
早前全球掀起一股NFT熱潮，美國一幅數碼圖像作品以天價6,934萬美元（約5.4億港元）成交，令香港名人都隨風而行，陳奐仁、《小朋友齊打交》原創者Marti Wong 等都成功交易NFT作品。
Maggie認為NFT值錢的原因有三，第一，NFT令數碼作品有證書，如同藝術品般，可以提高作品的價值。第二，NFT能令創作者持續有進帳，「畫廊賣咗幅畫就等於斷咗聯繫，但如果作品經NFT買賣，可以設計成每次作品轉售時，都能收到一定的抽成。」第三是版權，Peggy指試過有攝影師在外國影建築物，後來被外國雜誌不問自取，並且印刷在書上面，「咁係咪要告佢呢？好多時攝影師都係處於好弱勢嘅角色，唔會夠大公司玩，更何況係喺外國嘅公司，呢一啲只係冰山一角嘅故事。」而在NFT的世界，版權是可以追溯的。
相信攝影的力量 創多款攝影師「恩物」
除了NFT平台外，Peggy和拍檔曾經在2017年，創立過一個「攝影師版本的Airbnb」平台，概念是由各地攝影師擔當導遊的角色，帶遊客到訪景點和拍下美麗的照片，當年曾經一度很受歡迎，後來生意甚至擴展到B2B層面，與國泰和萬豪酒店合作，亦有3000多名攝影師的資料庫，但突然出現新冠肺炎令全球旅遊業「陣亡」，兩人唯有想出新方法走出「疫境」。
他們設計出方便攝影師工作的照片協作平台 Gump，Peggy解釋指「好多時過相嗰下只係第一步，後面會有好多好老土嘅workflow，例如係見唔到客人遙距傾揀邊張相，可能要比個相嘅號碼，來來回回好易錯，比comment又可能會經WhatsApp、email加電話，客所提嘅要求都係模模糊糊地拼湊出嚟，成件事好唔科學！」 當一個完整流程放在平台上，就可以有效地限制客人選擇的張數、讓客人逐張提出需要修改的地方，省卻雙方溝通的時間。
Gump自去年推出至今約一年，已有6萬個使用者，在亞洲170個城市裡都有攝影師，並有超過120萬張相已上載到平台。
曾是金融業打工仔 「返工返到悶」
有趣的是創辦人努力「造福」攝影師，但兩人的背景與攝影沒有直接關係，他們曾經是金融業的打工仔，過著朝9晚6的生活，「有時真係覺得好悶，日日都好多routine嘢要做，返緊公司時已經諗到曬今日要做咩，係好穩定，你見老細就會知自己下一個Stage會係點，你問我當我諗到自己變成咁嘅時候，我係一啲都唔覺得好興奮，希望想做啲貼地啲嘅嘢。」Peggy笑說。
在構思創業點子之時，適逢當時Peggy結婚，在布吉擺婚宴時，一張相勾起她無限的感慨，「細個爸爸媽媽離婚，我哋最後一張全家福就係我1歲嘅時候，結婚時爸媽再次出席影張全家福，當時睇返相好打動到我，感受好深，令我發現攝影的重要同佢可以帶來美好嘅回憶，所以決定創業做嘅方向係幫助攝影師。」就是這個簡單的理由，Peggy便走上創的路
文： 肥妹記者
圖： KaChick
#StartChing #StartChange #hongkong #homekong #hkstory #business #startup #hkstartupers #dreamer #MadeInHK #Community #香港 #香港人 #追夢 #創業 #人物故事 #科技 #NFT #NFT平台 #攝影師 #攝影 #攝記 #影相 #photographer #photographerhk
＝＝＝＝＝
【本月主題：與你共融】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
