【#追夢Ching】以「滾動知識車」贏社創基金，70後老闆找回愛書「初心」——Rolling Books
一本書，加上四個「轆」，變出了無限可能。
故事要由一個愛書的70後莊國棟（James）說起，2004 年他曾經營「#阿麥書房」而生意失敗，當時書店主要售賣藝術行政、戲劇、文化研究等較小眾的書，從不賣暢銷書，「我肯定係無賣過《哈利波特》囉！」James笑說，由於書本類別市場太窄，加上兩間分店在銅鑼灣、灣仔等貴價地段，即使有舉辦不同文化活動如音樂劇、音樂會等，但生意仍難以收支平衡，最終苦撐 5 年後曲終人散，險些「因為死頂而輸晒身家」。
書店結業後James如同痛失摯愛，終日悶悶不樂，體重更一度大增至230磅變成「肥佬」一名，人變得沉默寡言，朋友都覺得他像「人間蒸發」了一樣，直至有天他重拾起對書本的熱情，創辦「跑步讀書會 (Run of Page)」，主張把運動與閱讀結合，鼓勵更多人培養有益身心的興趣，James才慢慢走出生意失敗的陰霾。
走入社會創新之路
後來，他加入樂施會工作，處理糧食公義、氣候變化等議題，又曾舉辦一些親子活動和參與製作繪本，推動世界公民教育，激發James想為社會做得更多，數年前他初次參與由社創基金撥款資助的基金計劃 #好薈社 (Good Seed)，「當年連初賽都入唔到！後來諗返當時我做嗰個叫『半代同枱』嘅project主要係同青年有關，同我背景好唔同，可能評判感受到就算俾我做，都未必搞得掂。」
一年後，Good Seed職員與他聯絡，鼓勵他再次參加計劃，這次他「回歸初心」，以書本為主軸寫出「#滾動知識車 (Rolling books)」計劃，主張把流動書車駛到不同學校、露天市集、社區等推廣閱讀。「可能你會話流動書車日本、台灣好普遍，香港都有流動圖書館啦，點解仲需要你搞？」James解釋香港人從來不缺書，但圖書館提供的只是「硬件」，要令小朋友投入閱讀和喜歡閱讀又是另一回事。
學校老師直言「唔掂」
憑著書車意念成功取得10萬元種子基金後，James開始實行計劃，租用貨Van並簡單裝飾成不同主題，將書本帶到不同的學校，不過卻有老師向他直言貨Van十分「唔掂」，「原來諗嗰陣好美好，但落實件事係唔同！因為租貨Van每次都係臨時租，無辦法做到長期嘅改裝，所以小朋友見到可能只會覺得係一㗎好殘嘅貨Van，根本引唔起佢哋閱讀嘅興趣。」
「跌得快、改得快」
計劃陷入樽頸，James便與Good Seed職員商量如何改善應對，「如果自己做生意，一做唔掂好快收檔，但Good Seed提供咗空間俾我去改，我哋成日話『Fail fast、fail forward』， 試原型(prototype) 唔一定會成功，但幾快轉到先係重點！」資金不夠買貨Van，James唯有自製，找來懂設計的朋友做了一架木頭書車「滾動木頭號」，另外又想出「轆仔圖書館」活動，為學校提供音樂故事劇場的演出服務，公司最終成功站穩陣腳。
至今「#轆仔圖書館」已發展成支撐公司的重要支柱，即使在疫情之下仍可改為線上活動，2月也有 5 場活動預約，受歡迎程度可見一斑，「由一個計劃演變出好多唔同玩法，可以幫到社會，呢個正正係搞社會創新嘅意義！」James滿足地道。
圖片來源：受訪者提供 Rolling Books
＝＝＝＝＝
Good Seed HK現正進行新一輪招募，今屆亦加入很多前所未有的新元素，更可獲得高達二十萬的種子基金，開展你的社創之旅！
立即報名，成為我們的 #Changemaker！
截止日期：2021年2月10日 18:00
＝＝＝＝＝
#StartChing#StartChange#hongkong#business#startup#hkstartupers#dreamer#90後#夢想#香港#追夢者#創業人#RollingBooks#GoodSeed#prototype#社創#社會創新#社創基金#圖書#圖書車#流動書車
＝＝＝＝＝
【本月主題：樂齡樂活】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linkby.tw/StartChing
如欲與我們分享你的故事，歡迎電郵至：[email protected]
