【#綠色生活】手機點餐助食店減碳，每月慳逾千元印刷費——Pin Me
到餐廳食飯總是有餐單、點餐紙、外賣紙等等，如果可以用科技取代紙張呢？ 80後查宇（Charlie）創辦的Pin Me手機點餐系統，正好是餐飲小店和食客「慳紙」的福音。
Charlie表示客戶中有不少店舖是車仔麵檔，平日需要用到大量紙張去「畫紙」落單，有食店老闆曾向他表示每月要花一千多元印刷紙張，「咁你諗吓千幾蚊嗰度印咗幾多張紙？」Charlie指在程式下單就只需用手機掃描QR code，彈出小程式後按下自己想點的食物即可，「喺線上落單可以有多啲時間考慮，唔會有個夥計企喺你隔離，好似好大壓力咁要你快啲決定食乜，同時食客都可以喺程式中選擇走餐具、走盒等，不但可以客製化，同時亦都更環保。」
而且，餐廳不時都需要更換餐牌，有時每兩至三個月換一次也會耗費大量紙張，有了應用程式便可以在線上隨時更新餐單和圖片即可，「有啲餐廳午餐餐單每日都唔同，下下去印成本都好大。」不過Charlie坦言，生意曾因疫情受嚴重打擊，在初期遇上餐廳倒閉潮，流失很多間餐廳，雖然有政府的 #抗疫基金，但「好多餐廳執埋都未等到，批咗好耐都未拎到錢。」
Charlie指在疫情最嚴峻大約3月至7月期間，他的客人當中有一半餐廳倒閉，同時又無法簽到新公司，在100間中有近一半結業，「不斷有人打電話嚟話頂唔順，係到上年年底先開始有少少好轉」，由於政府基金批出慢，不少餐廳都等不及自己掏錢升級餐廳點餐服務，目前合作的餐廳回升至約160間，每月新增20多間，同時亦有大型地產商接觸他們談合作，在屋苑會所安裝相關服務，讓住戶可以預先在應用程式點餐，在出門的時候順便取餐。縱使疫情之下環境艱難，但Charlie仍笑說：「OK嘅，香港人都好『小強格』，點都會頂到落去！』
圖片來源： PIN ME 智能餐飲系統
#StartChing#StartChange#hongkong#business#startup#hkstartup#brand#dreamer#hk#hkstory#香港#追夢者#創業#初創#夢想#人物故事#環保#PinMe#手機點餐#點餐App#減碳#紙#減少用紙#疫情#科技#點餐紙
＝＝＝＝＝
【本月主題：綠色生活】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linkby.tw/StartChing
如欲與我們分享你的故事，歡迎電郵至：[email protected]
