【#StartChing分享】獨立書店搞專長交換計劃，召喚過百人參與搬遷活動！——夕拾x閒社 Mellow Out
一家獨立書店搬遷，竟然能夠集結過百人之力，由拆卸搬運到上架開張在兩天內搞掂。
搬遷背後，原來「夕拾x閒社」的店主Sharon舉辦了一場「專長交換計劃」，召喚各界付出自家技能，換來店主逐一「報恩」，幾天內獲過百人報名。
召喚專長的帖文獲不少人在IG上廣傳，參與人數超乎她的預料，「確實係幾感動，我都有喺IG分享加租逼遷呢件事，好多人就算嚟唔到都有同我哋打氣，作為一間唔起眼嘅小店，外界嘅反應令我幾意外。」
室內設計也好，搬運也好，畫壁畫也好，這場活動讓原本未必相識的大家連繫在一起，各展所長，參與和見證「夕拾x閒社 2.0」的誕生。（高妹記者都報咗名，不過專長唔多，又無咩力水搬嘢，所以就出現咗呢篇報道XD）
書本以外
作為獨立書店，書本以外，空間是夕拾x閒社的另一個靈魂。書店取名為「閒社」，意思是希望大家在有「閒」之時，能夠在這個「社」區空間活動，比如是閱讀思考、交流分享，或是參與不同工作坊，自兩年前成立以來，這個在觀塘少有的社區空間，便成為不少書友和街坊的聚腳地。
「其實我哋都係搬翻附近，自己搞唔係難事，但既然我哋一路都係行社區空間路線，搞開唔同活動，就索性將搬遷呢件事變成一場活動，希望大家可以一齊由零開始建構呢個新空間，一齊建立共同回憶！」Sharon解釋道。
書友以外
要在香港經營獨立書店很難很難，近年不少書店以「Fusion」形式經營，比如是開辦工作坊，務求吸引更多人流和增加賣書以外的利潤。「書友不嬲都有，但要令好少睇書嘅人就非常困難，單純賣書吸引唔到呢班人上嚟。」
在設計店舖之時，店主早已考慮過這一點，因此在劃分區域上亦有一番巧思。「客人要先通過書店先能夠去到共享空間或工作坊嘅地方，過程中可以聞下書香，就算只係拎起本書都好吖。」
成為書店店主兩年，對於Sharon而言，書本盛載著的是作者的智慧，看書的意義在於「餵飼大腦」，「你每日都要食嘢，其實大腦都要一樣需要，可能有人觀察力好強，未必需要透過閱讀去激化思考，書本可以話係一個媒介，令大家去思考、消化，最後能夠透過寫作或者其他方式去輸出。」
你今日餵飽咗大腦未呀？
文：高妹記者 @gomui.173
圖： 夕拾x閒社 Mellow Out @mellowoutzzzz
#StartChing #StartChange #Homekong #獨立書店 #社區空間 #專長交換計劃 #閱讀 #書友 #香港人加油
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
