【樂齡樂活】良心咖啡店搞老友記招聘：「呢班長者臥虎藏龍！」——BEANS Coffee
「作為一間小小嘅連鎖餐飲集團，既然有能力去做呢件事，都希望能夠盡一分社會責任，比呢班老友記能夠發揮所長。」咖啡店Beans「老友記計劃」的負責同事說。
Beans早前宣佈推出「老友記計劃2022」，聘請55至75歲的老友記在旗下五間分店工作，每天工作3至8小時，上班時間相當有彈性，主要負責帶客人入座、解答客人查詢等。
「我哋同事多數都係後生仔女，後生做嘢係幾醒目快手，不過相對又心急咗啲，相反長者人生經驗豐富，喺待人接物又會處理得成熟啲，好適合做安排客人排隊等位、解答查詢嘅工作，有時又會同等緊位嘅客人吹下水，令餐廳氣氛更好！」
吸引逾200位申請者
Beans早在兩年前已開始推行長者招聘計劃，在合作過程中發現這班銀髮族可說是臥虎藏龍。
「有一位老友記做過中式酒樓十幾年，當年仲有份接待過英女皇，可惜係間酒樓當年捱唔過沙士結業，所以佢就轉咗行做保安直到退休，因為佢真係好鍾意做呢行，所以之前見到招聘計劃就即刻申請加入咗我哋！」
這次招聘計劃的反應相當好，成功吸引200多位長者申請。「早兩年我哋得六、七間分店，所以請到嘅老友記唔算多，而家有九間分店，希望盡力比到多啲機會呢班長者。」
作為香港的一分子，Bean一直以來推出了不少社會責任的項目，例如是外賣膠盒回收計劃、母乳友善計劃等。「希望運用我哋嘅影響力，做到幾多得幾多！」
文：高妹記者
圖：BEANS Coffee. Dessert. Light meal
#StartChing #StartChange #Homekong #香港人 #老友記 #銀髮族 #招聘 #荳子Beans #良心店
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
