買蛋糕送親筆書寫卡？靚女餅師：珍惜與每位客人的關係—— Soulgood Bakery
巴斯克焦香芝士蛋糕源自西班牙一間名為「La Viña」的酒館，以高溫烘焙焗至表面焦香、內裡流心，口感軟滑得來帶有濃濃的芝士味，深受一班芝士蛋糕迷的追捧。
「外表平平無奇難度更高，因為唔係靠樣去吸引人，一定要焗得好精準。例如表面焦香得嚟又要夠平滑，入面流心得嚟又唔可以太漿，食落要有層次感，唔可以太膩。」Soulgood Bakery創辦人Anjaylia解釋。
#用蛋糕與GoodSoul交流
廿歲出頭的Anjaylia自細便喜歡烘焙甜品，用食物氹身邊人開心，去年9月時決定追隨夢想，創立蛋糕品牌「Soulgood Bakery」，以網店形式售賣巴斯克蛋糕。「我覺得表面焦香嘅Burnt Cake係代表住自己心入面團火，勇於去追逐自己夢想。我我係一個好正面、好有活力嘅人，希望可以透過每一個蛋糕感染到大家，同每一個Good Soul交流，咁就『So Good』喇！」
一如品牌的名稱，Anjaylia著重追尋每件事的內在價值，除了透過富有層次感的蛋糕，讓客人感受到自己的用心外，更會為每一個蛋糕附上一張親筆書寫的心意卡，而且每一張的內容都是獨一無二。「我手字未必好靚，但呢一件事我相信出面買蛋糕無咩機會遇到，希望每一位客人都能夠感受呢份人情味！」
經營大半年時間，她的這份心意打動過不少客人，亦有人因此成為品牌的熟客。「有位客人舊年聖誕幫襯完，今年新年又幫襯，試咗好多唔同口味。我覺得呢件事好窩心，好似佢睇住Soulgood Bakery成長，我哋嘅蛋糕又陪住佢經歷好多美好回憶，我諗呢樣就係我所追求嘅『Good Soul交流』！」
#有廿四孝爸爸幫拖
Anjaylia目前在全職工作與餅店之間兩邊走，期望有天能夠用這門生意儲下一筆資金，開設一間咖啡店，將自己喜歡的元素通通放進這個小天地。「唔洗好大，希望可以有個吧枱位比我同客人傾下計，播下我鍾意聽嘅Jazz，又掛下我平時影嘅菲林相，透過分享自己嘅『Soul』同客人交流！」
在創業的旅程中，她很慶幸背後廿四孝爸爸願意幫拖，趁住臨近父親節，表揚一下這位背後的男人。「媽媽一直都係屋企主廚，而爸爸就從來都唔入廚房，最初佢都係見我太辛苦所以幫下手，無諗過佢連蛋糕都整到，到今日慢慢發展成家庭式小店，我覺得好窩心好Sweet！」
文： 高妹記者
圖： Soulgood Bakery
#StartChing #StartChange #hongkong #homekong #hk #hkstory #MadeInHK #business #startup #hkstartupers #dreamer #Life #Sharing #Soul #Foodie #Cake #BurntCake #cheesecake #Bakery #香港 #香港人 #追夢 #創業 #人物故事 #巴斯克蛋糕 #芝士蛋糕 #女生 #餅師
＝＝＝＝＝
【本月主題：香港製造】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
