護膚都要從Fact Check做起？Factiv：從謊言中不懈求真——Factiv
黑暗中的手、瞪開的眼睛、躺在水底幾近窒息的男生、頭紗下的女生，幾幕充滿張力與電影感的畫面，在節奏緊張的音樂與旁白配合下，帶出一個簡潔有力的訊息：「身處充斥著失實、幻象的世界中，事實就是由Fact Check開始，不再接受灌輸，事實就是No Fairy Tales。」
4月1日愚人節，在人人都在說個無傷大雅的謊言、互相逗樂取笑的一天，本地科研護膚品牌「#Factiv」卻發布了與當日氣氛截然不同的影片，表達對不懈求真、認清事實的信念。
#還原基本步選購產品
與Factiv的品牌理念吻合，希望消費者能夠主動「dig deep into the product」，向來推出的產品名稱絕不花巧，只以其活性成份及濃度命名，提升產品訊息透明度，務求讓消費者一目了然。
「無論係宣傳片，或者係近日電車上賣廣告，我哋都強調『No Fairy Tales』呢件事，因為護膚品並唔係神仙水，好多品牌講到功效好神奇咁，但睇番背後嘅成份都係大同小異。每個品牌當然有佢嘅價值，但我哋希望可以做得平實啲，將背後嘅成份、相關知識推到最前，教育大眾點去選擇適合自己嘅產品。」Factiv的創辦人之一的Ronald道。
他舉例指，大家在選擇保健品時，一般先從成份入手，「大家一見到維他命C，就知道有咩功效，認為自己有需要先去買，其實護膚品一樣可以行呢個方向，唔好只係睇品牌或者靠朋友介紹，可以學習求真，了解產品其實係由咩構成。」
#塑造有內涵的香港品牌
有別於常見護膚品品牌的大型宣傳企劃，重點介紹產品的功效，他們是次宣傳只講理念，並未有在產品功能上著墨。「你問我點樣叫做有內涵嘅品牌，好簡單，就係做唔賺錢嘅事！聽過好多行家分享，搞Marketing主要係睇盤數，擺幾多錢落去，有幾多錢番嚟。我哋推Factiv唔係只求賺錢，而係希望可以喺建立品牌嘅同時，實踐我哋所追求嘅價值。」
Ronald口中的價值，所蘊含的元素頗多，有對科學精神的堅持，有對事實與真相的執著，亦有對本土價值的追求。「產品同消費者嘅關係係雙向，我哋希望透過科研做好配方，令大家認同香港研發、香港製造嘅產品，呢個都係構成身份認同好重要嘅一環。」
他冀以香港人之名，透過個人專業盡力經營好一個品牌、為香港付出。「無論係咩行業、做咩工作都好，只要大家盡力去做好自己嘅角色，好多價值都會隨時間而彰顯。呢兩年見證住香港嘅變化，對我嚟講Factiv係一個品牌，亦都係表達理念嘅平台。」
一如他們在宣傳企劃中所言：「但願我們都能在事實之中，瞥見一絲曙光。」
圖片來源： Factiv
#StartChange #hongkong #homekong #hk #hkstory #business #startup #hkstartupers #dreamer #MadeInHK #FactCheck #Truth #香港 #香港人 #追夢 #創業 #人物故事 #香港品牌 #香港製造 #香港科研 #護膚品牌 #本土價值 #事實 #曙光
＝＝＝＝＝
【本月主題：科技Ching】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
