90後女生創業只為求財？唔想比人用幾十萬買起我人生——GOBA – Beauty 女生專屬
「興趣同搵錢係兩回事，唔好曬咁多時間喺無回報嘅事上面。」90後創業人Tracey近日在電視節目上如是說。
她笑言，自己或許是在節目上首個鼓勵年輕人盡早放棄的嘉賓。「有首歌嘅歌詞係咁：『如果目標已經出錯，這裏有沒有人清楚，越努力越錯得多。』我覺得而家後生仔唔創業，有好多嘢浪費咗，香港先至成日比人話退步；但我覺得都唔係話創業就創業，大家可能唔好執著要用興趣去賺錢，而係試下將賺錢當成興趣。」
早前在Tracey的報道中提及，這位說話坦誠又直接的女生在幾年前投身創業人生涯，經營過畫室，又伙同好友創立專講女生話題的網媒「GOBA – Beauty 女生專屬」，去年聖誕又推出全港首支紫色汽酒，密密諗計吸金。由此可見她所言非虛，確實是身體力行將賺錢當成興趣。
Tracey對於賺錢這回事的貼地實際，與其個人經歷不無關係。「幾年前公公生日，成家好齊人食飯，係差我一個，就係因為我番工要OT出席唔到，無諗過幾日後公公突然離世，而我就係因為一份月薪萬幾蚊嘅工，錯過咗同公公最後相聚嘅機會。」
她坦言，這件事對她後來決定創業有頗大影響，「因為我唔想再比一間公司用十幾廿萬就買起咗我一年時間，花時間喺根本唔值得嘅事上。」
#鄧氏圍村中的反叛女生
Tracey姓鄧，原來是正是鄧氏圍村人，在她的印象中，圍村女性從來「無Say」。「好似鄉議會咁，你幾時見過有女性代表行出嚟講嘢？呢件事正正反映女性喺圍村中嘅處境，好多女性明明好多嘢想做，但嫁咗入去、生咗小朋友後，一生就困咗喺條村。」
亦有人向她直言，想生活無憂就應當嫁個有錢人做少奶奶。「我聽完覺得好心酸，我其實認同嫁有錢人係向上流嘅捷徑，但我一樣可以選擇唔行呢條路，而又能夠成功！」
在鄧氏圍村中，Tracey顯然是相當反叛的存在，「我一路做嘅嘢同圍村係好相反，因為我唔想活得卑微，唔想好被動咁過自己嘅人生。」
創業、搵真銀，正正是展開話語及自主權的其中一個方式。「呢個世界運作其實好簡單，成功人士講咩都啱，有錢就有『Say』，我唔鍾意聽人講嘢，我叻過佢咪唔洗再聽人講囉！」
圖片來源：受訪者提供
#StartChing #StartChange #hongkong #business #startup #香港 #追夢者 #創業 #初創 #夢想 #人物故事 #非凡女生 #香港品牌 #傳媒 #網媒 #興趣 #人生 #鄧氏圍村 #女性 #嫁個有錢人 #自主權 #話語權
＝＝＝＝＝
【本月主題：與你共融】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linkby.tw/StartChing
如欲與我們分享你的故事，歡迎電郵至：[email protected]
