大學生創業推精緻軟餐：「等老人家唔洗下下食糊仔！」——mealingfulhk

「食嘢唔應該只係為醫肚，需要人長期照顧嘅老人家平時已經無咩好做，食飯可能已經係佢哋每日期待嘅事，我哋希望佢哋可以間唔時食好啲開心下，起碼唔洗日日食糊仔咁悶先！」社企「軟膳點」共同創辦人Jackson解釋他的創業初衷。

軟膳點是一家專門售賣精緻軟餐的社企，為有吞嚥困難患者或長者，提供除了糊仔以外的選擇，例如是海南雞髀、叉燒、梅菜豬肉等便當。

「整一份軟餐有三大步驟，分別係攪碎、加入『改性澱粉』同埋倒模，例如海南雞髀軟餐入面會有攪碎嘅雞肉，食落雞味濃，口感就比較似薯茸，外觀就盡量還原番雞脾型出嚟，相比起糊仔睇落成碗漿糊咁，老人家食落感覺都唔同晒啦！」他笑笑口說。

他指出，相較本地的同類型公司，他們推出的軟餐主打精緻與選用優質的食材。「有啲品牌未必會專登整到外型咁靚，始終倒模要花時間工夫，呢啲都係成本；食材上我哋都有細心考量過，例如老人家唔吸收得咁多糖分，就會用羅漢果糖嚟代替，加加埋埋呢啲位成本上可能都貴成兩成，志在比大家多個選擇。」

親人成創業推動力

為了每一位有需要的患者或長者，設計出一份份精緻而美味的軟餐，或許同時亦在填補心中的一個遺憾。

Jackson憶述，爺爺生前出現進食時容易哽噎及咳嗽的情況，去年因為急性肺炎入院不幸去世，才發現原來爺爺一直有吞嚥困難的問題，平日進食時食物不時「落錯膈」，最終演變成肺炎。「其實爺爺都已經90幾歲，都算係咁，但會覺得自己喺呢啲位可以為爺爺做多啲。」

後來在港大修讀社工的他，與幾位朋友一同參加創業比賽，便在多個主題中選擇了軟餐作為創業概念，並獲得一筆創業起動資金。

「過程中發現原來好多長者都面對相同情況，所以好希望推廣到軟餐文化，避免同樣嘅憾事繼續發生，呢段經歷對我嚟講都係好大嘅推動力，令我好有決心想做好呢件事！」他堅定道。

圖片來源：受訪者提供 @mealingfulhk

#StartChing #StartChange #hongkong #Startup #startups #hkstartup #brand #business #dreamer #hk #hkstory #香港 #人物故事 #共融 #軟餐 #社企 #樂齡 #創業比賽 #大學生
＝＝＝＝＝
【本月主題：與你共融】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。

Follow其他社交平台： linkby.tw/StartChing

如欲與我們分享你的故事，歡迎電郵至：[email protected]