【#香港品牌】24小時土砲便利店 「香港人要有得揀」
便利店「總有一間喺左近」，去年年底南昌街坊多了一個選擇。便利店「Guru24」主力售賣的並非集團一式一樣的產品，而是多個不同的香港品牌，店內一個以「香港世一」為名的凍櫃便擺滿林林總總的本地品牌飲料。該店還積極推行環保及動物友善，部分產品更以重用器皿盛載，希望客人嘗試踏出環保的第一步。負責人阿光表示，其實香港有不少優質品牌，卻未必廣為熟悉，透過這間便利店希望給香港人更多選擇。
🛒由網店做到便利店
阿光及太太阿晴於2019年成立網店「瓹窿瓹罅」，網羅全球優質產品，希望為大家提供更多不同的選擇。該店更積極推行環保（從網購客人處回收包裝物料，之後循環再用）及動物友善（義賣部分產品幫助流浪動物）。阿光指出，網店接觸層面雖廣泛，但如果想進一步推動環保及動物友善的理念，實體店始於是較直接的方法，他們亦朝着這目標發展。去年（2023年）11月終於如願以償，在南昌的服務式住宅「TOWNPLACE本舍」開設首間便利店「Guru24」，初時營業12小時左右，隨着營運漸上軌道，今年3月起開始24小時營業。有別於一般便利店，該店以售賣香港品牌產品為主，店內更是動物友善空間，主人可以帶着毛孩進內。
🛒重用器皿落實環保
便利店如何落實環保？該店以重用杯及重用餐盒分別冷泡茶、飯及湯水。購買時，客人要先付按金，享用完畢後將重用器皿清洗乾淨交回店員，按金便退回至客人帳戶，或者可作現金即場購物之用。客人一定要自行洗乾淨重用餐盒，店內即場提供鋅盤、清潔劑，歡迎客人使用。回收的重用器皿，返到工場，透過洗碗機消毒後才循環重用。阿光說：「我們希望大家喺便利店吃到一啲幾分鐘嘅嘢食之餘，亦都可以減少製造垃圾。其實大家喺屋企都會清洗器皿，唔會下下用紙杯紙碗，透過使用重用器皿就可以慳番膠盒，希望令大家覺得環保唔係咁難實行。」
🛒環保無可能做到極致
對很多人來說，重用器皿是一個頗新穎的概念，阿光明白在執行時可能面對的挑戰，所以花了不少工夫在培訓員工方面。「跟外面便利店比較，呢度嘅工作相對較簡單，唔使做埋數，只要執貨補貨，同埋同客人解釋我哋嘅環保概念，解釋清楚買果啲飯盒或冷泡茶時，除咗畀錢，背後仲有其他付出，就係清洗重用器皿。我吔叫員工唔需要Hard sell，有啲客人如果接受唔到呢件事，可以選擇買番杯麵。」
阿光坦言環保不一定要做到極致，只要每人從心裏出發盡做便可。「我覺得作為一個商家，作為一個地球人，應該要負嘅責任，起碼有嘗試要盡力去做。 我哋亦希望客人慢慢改變，哪怕只不過係走飲管、或者自備杯出街裝水，已經係好好嘅第一步。」
🛒香港人土垉便利店
除了推動環保等概念外，阿光與阿晴更希望可打造一間擁有香港人的便利店。他們鍾意旅行，遊歷日本、台灣等地方時，更喜歡住在一些便利店附近的地方，品嘗便利店的食物。阿光說：「反觀香港嘅便利店相對無咁有特色，你好少聽人話嚟香港好想食便利店嘅美食或者好幫襯香港嘅便利店。其實香港有很多特色品牌，我哋呢間便利店就網羅咗好多土砲出品，如雪糕、發酵茶、手工啤酒、汽水等。」由於自設食物工場，他們便生產一些飯盒、湯水、冷泡茶。別說是旅客，作為土生土長的我們，能夠見到一間富有香港特色的便利店，亦難掩興奮心情，希望日後其足跡可遍佈其他地區。
文：Wendy @lainga.lai
編：肥妹記者@fatgirl.insight
圖：Wendy
#香港 #hk #追夢 #StartChing #StartChange #Guru24 #香港品牌 #便利店 #hongkong #startups #創業
