【#與你共融】做零售個人業績3年1800萬，視障人士Perry：別給我「假設」！——Perry
這次我們收到來自Perry的投稿，他是一位很健談的視障人士，由於家族有遺傳眼疾，他和 3 個哥哥都會隨着年齡降低視力直到完全失明，Perry的雙眼現在只剩下5%視力，但他仍能維持正常的工作和生活，不少人知道後都會驚嘆：「嘩，你好叻呀！」對於Perry來說，這似乎是社會給殘疾人士的一種「假設」和無形中的歧視。
「較為熟悉我的鄰居朋友就會知道我係做零售業，係呀，好多人都話你睇唔到點樣賣嘢俾人啊？我公司願意喺 3 年前請視障朋友返工，後來同返主管了解，原來作為一個視障人士，都幫這間公司3年來做咗個人營業額1800萬，想起來，我都覺得自己有點自豪！」Perry笑著說，他繼續分享：「平時喺公司做嘢，要靠記性，客人問我什麼型號幾多錢，我全部背晒入腦，有乜嘢顏色，我就會話俾佢聽由左手邊去到右手邊，係乜嘢乜嘢顏色，我係死剩把口，鍾意講嘢，鍾意同人分享。」
Perry指每逢出門上班，總會有街坊或者看更問他是否要到庇護工場工作，當他們知道Perry的工作後總會驚嘆：「嘩，你好叻呀！」他坦言：「其實殘疾人士喺香港搵唔到工作，就係好多人唔認識殘疾人士嘅能力，令到佢哋搵工比較困難，甚至乎好多老細覺得請殘疾人士就一定做唔到100%嘅工作。」
Perry在5年前成功和家人上車，他回想起收樓時，他和另一位業主同時進入大廈，但地產職員卻有截然不同的態度， 『職員對另外一位業主講：「恭喜晒你呀，係咪嚟收樓呢？」但係到我嘅時候職員就講：「先生，有冇嘢幫到你啊？」』
他又曾經在屋苑的公園散步時，遇到一位住戶，「當時我用白首仗行緊路，嗰位朋友好自然同我講，呢度係私人住宅喎，你會唔會去錯地方呢？我無唔開心都無同佢辯論，我只是繼續用我的八達通拍卡入玻璃門。」Perry無奈地說。
疫情之前，Perry每年都會和一班朋友報旅行團去旅行，『去到旅行社排隊問資料，我排緊隊時，就會聽到旅行社職員同即將要查詢嘅客人講：「你好呀，嚟緊想去邊度玩呢？」但到作為視障人士嘅我，職員通常就會講：「先生，有冇嘢幫到你啊？」，當然我覺得這位職員招呼得我都好好，也同樣好樂意解答我旅行嘅資料，但當我一起身時，佢又同下一位講：「你好呀，今次想去邊度玩呢」』
從以上日常的例子，Perry認為香港仍然有很多人，會不知不覺在說話上對殘疾人士有很多的「假設」，又或者小看了殘疾人士的能力，他希望透過分享自身的故事，可以讓更多人明白到殘疾人士的想法，亦希望一般人可以放下成見，不要以貌取人。
#後記：就算是普通銷售員，3年業績有1800萬仍令記者感到驚訝，心想莫非是做金融或者是保險？經了解過後原來非也，但至於是甚麼零售業那麼高營業額，由於Perry不想公開，所以就要由大家自行想像了。
圖片來源：受訪者提供
#StartChange#hongkong#Startup#startups#hkstartup#brand#business#dreamer#hk#hkstory#香港#人物故事#共融#故事#殘疾#殘疾人士#視障人士#視障#弱視#歧視#眼疾
＝＝＝＝＝
【本月主題：與你共融】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linkby.tw/StartChing
如欲與我們分享你的故事，歡迎電郵至：[email protected]
