【#香港品牌】前五星酒店餅廚「三兄弟」，另起爐灶苦捱：發夢都趕緊order！——Sugar Brothers
「我地嘅關係正如公司名就好似兄弟一樣！」Sugar Brothers創辦人Jay笑著說，這些年他與Kenny和Oscar兩個好兄弟，一起捱過無數個日與夜，相見的時間甚至比家人更長，「頭兩年基本上無放過假，最崩潰試過趕貨做到連續4日無返過屋企，夜晚係工場一齊打地鋪訓睡袋，好似露營咁，訓一兩個鐘又即刻繼續做嘢！」三人一早視對方如親生兄弟，一同努力建立屬於自己的一門生意。
名門出身創業 曾身心俱疲
「三兄弟」均出身自香港五星級酒店JW Marriott HK的餅房，從低做起默默地工作了近十年後辭職，其中Oscar和Kenny先行創業，Jay則繼續在其他酒店內打工，後來因為創業初期營運困難，Oscar和Kenny需要「炒散」拉上補下，「起初創業收入好微薄，同以前做酒店差好遠。試過生意唔好，放工再去搵兼職做幫補家計。果段時間算係幾難捱，身心都好疲倦。」
後來，Jay在酒店餅房重遇兩兄弟，有感礙於酒店的架構，在甜品創作上空間較小，「一件自己諗出嚟嘅甜品會經過多重修改，最後果件作品已經同自己所想完全唔同，所以想將自己嘅創作放喺市場上，得到客人真實嘅評價。」於是，Jay決心加入一起創業，開始在網上物色有食物製造廠牌照的地方頂手，終在2018年找到合心意的廠房。
靠拿破崙蛋糕「殺出血路」
由網上無名小店，慢慢變得愈來愈多人認識，試過做到「發夢都趕緊order」，「起初我地都一路試緊方向，慢慢我地嘅拿破崙愈來愈受大家歡迎，所以就專心主力做拿破崙，最後變左做拿破崙專門店。」生意逐漸上軌道，網店由最初「三兄弟」每日日做15、16小時，到加入多9位「戰友」。
雖然初期披荊斬棘、歷盡辛酸，但三人一直堅定方向，「一直夢想將來會有自己嘅餅店，慶幸好開心我哋真的做到了！」面臨疫情，不少舊同事或朋友都要放無薪假或被解僱，「三兄弟」無悔創業亦慶幸可以主宰自己的命運，Jay寄語:「香港人只要堅持自己，不忘初心，一定可以成功
！」
文：肥妹記者
圖： @sugarbrotherhk
#StartChing#StartChange#hongkong#homekong#Startup#hkstartup#hkstartupers#dreamer#hk#hkstory#香港#香港人#追夢#人物故事#勵志故事#香港製造#拿破崙#拿破崙蛋糕#香港小店#香港蛋糕店#sugarbrothershk#hkbakery#hkdessert#JWMarriottHK
＝＝＝＝＝
【本月主題：非凡女生】
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
