【#追夢Ching】給移民港人的告別禮物，漫畫家手繪出你我熟悉香港——香港景搜
過去一年，大家告別了多少位親朋好友？假如你是下一位「移民港人」，你會希望帶走甚麼物件，來紀念你與這個城市之間的回憶？
繼《港漫景搜》和《景搜・屋邨》後，香港漫畫家張君豪早前出版了「景搜系列」的第三部曲——《#香港景搜》。「見證住好多人移民離港，所以想用自己嘅方式記錄香港，希望無論未來有咩變化，大家能夠記得昔日香港嘅模樣。」
張君豪擅長手繪城市面貌，以一筆一劃留住你我熟悉的香港，在《香港景搜》中畫出 #荔園、#虎豹別墅 等昔日城市景致。
「基本上係記錄緊自己最快樂無憂嘅年代，細個對荔園記憶好深，仲記得啲動物好臭，但氣氛好好，有好多攤位遊戲玩，又有摩天輪坐；至於虎豹別墅，當年仲細個無機會去，錯過咗好想睇嘅《十八層地獄》雕塑，惟有畫出嚟彌補呢個遺憾啦！」他笑笑口說。
為自己而畫的作品
張君豪在1999年入行做漫畫家，一畫便畫足二十多個年頭。「其實我喺2015年已經離開咗呢行，投身社福界行業，可能係因為畫太多年畫到好厭倦，放假時係絕對唔想畫畫，番工番到連自己興趣都無埋。」
離開「全天候畫畫畫」的職業生涯後，他反而重拾對繪畫的熱情，「唔再係為咗公司畫，亦唔會刻意迎合市場去畫，每一張畫作都係為自己而畫。」
正如他出版的「景搜系列」般，由香港街頭、屋邨樓宇，到象徵港人精神的獅子山景致，都是在記錄著他一生的回憶，以及與這個城市的連繫。「除咗為自己而畫，亦都係為咗5歲嘅囡囡而畫，希望佢能夠睇到我記憶中嘅香港，例如我都有畫屋企附近嘅利東邨，佢會好好奇當中嘅轉變。」
這次出版《香港景搜》，張君豪更特意推出二十本手繪版，為讀者「度身訂造」封面的畫作。「其中一位讀者嘅封面係一間舊式酒樓嘅門面，係佢童年時同爸爸嘅回憶嚟，因為佢即將移民，希望能夠送上呢份禮物比爸爸，能夠得到讀者嘅信任，畫出記錄佢同家人回憶嘅作品，呢件事對我嚟講係無價！」
香港景搜x阿叔商店 限定店
日期：即日至3月15日
時間：15:00 – 20:00
地址：炮台山京華道9-27號富利來商場1樓
文：高妹記者
圖：香港景搜
#StartChing #StartChange #Homekong #hkstartup #dreamer #香港人 #追夢 #人物故事 #香港漫畫 #香港屋邨
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
