【#香港製造】港人搞監獄體重現計劃（上）：保育香港獨有路牌字型的故事——道路硏究社
在處處追求公式化的香港，用字體為昔日的多元留下一點血脈。#道路研究社 的「#監獄體」再現計劃，由研究社創辦人兼社長邱益彰Gary，在6年前出於好奇，以及一份香港人對舊路牌字型誤解的不甘所發起。
一個專頁的誕生
Gary中三時往澳洲讀書，2019年才回流香港，不過他早在澳洲時，就已經與同志同道合的朋友，在Facebook創立「道路研究社」，分享道路設計的冷知識。
「我大學主修IT，無咩意識好鐘意設計，但我去澳洲讀書嗰陣，明明香港的道路設計受英國影響，點解澳洲都係英聯邦國家，設計好似同我想像唔同，於是就去思考呢件事。」
專頁原本較「巴士迷」向，初期亦只得約二、三十人追蹤，後來開始出文介紹路牌的冷知識後，獲得不少網民按下「Like」，於是便決定轉型推出大眾化的內容。
在囚人士貢獻的字型
專頁以「監獄體重現計劃」作主打，在IG開設專頁，保育這種香港獨有、逐漸消失的路牌字型。「以前留落嚟嘅文化，運輸署文件比較重英輕中，英文有哂尺寸規格，但中文就得個框，製作人鐘意寫毛筆又得，可以自由發揮，好似紅磡漆咸道有幅手寫路牌，英文好正統排得好好，但中文突然手寫，又唔係毛筆又唔係黑體，但按年份係合規格。」Gary說。
原來，我們每日見到的路牌，都是由在囚人士有份參與。Gary說，昔日每塊經人手製的路牌都有所不同，卻有趣地十分工整，每塊看上去又十分一致，特別是在囚人士並未受專業訓練，靠的是日積月累的經驗。
「監獄體」逐漸消失的25年
新舊字體喜好可以很主觀，惟Gary最不希望的，是香港人見到舊路牌的字型，會批評「寫錯字」。「我細個都係睇呢啲字長大，只係後來電腦化改哂寫法，好似曼德拉效應咁，令人睇返舊字型就覺得錯，老一輩年輕時周街睇住都係呢種字型，但又會而家先話係錯字？」Gary對此感到不解，但強調，新舊字體並無對錯，至少大眾不應將昔日寫法當成錯誤。
「監獄體」路牌在1997年5月停產，由電腦取代設計印刷，在過去25年因為種種原因被淘汰。在囚人士的角色亦有變化，由以往人手用刀「𠝹字」，變成用電腦「𠝹字」。
Gary認為，人手動作減少，程序加快，可以減輕在囚人士的工作量，不過感覺上「冰冷咗、單一咗」，現時「監獄體」技術可能已經失傳。
「最大困難係同時間競賽。」
全港現存的「監獄體」路牌只餘下約500塊，當中沙田佔約100塊。訪問當日，我們與Gary相約在沙田見面，並隨他一起在沙田小瀝源附近尋覓舊路牌的蹤影。
「沙田經過完整規劃，路牌無破爛都不會更換，反而九龍的路牌較新，因為幾乎每日都有改路。」他解釋。
Gary不時和友人在香港到處走，為僅存的「監獄體」路牌影相記錄，現時已記錄大部分，不用再每星期出街影相。
他憶述，6年前靠Google街景去找舊路牌，但當時系統隔幾年才更新一次，「出到去先發現好多都已經拆咗」，而近年亦越拆越多。
不過，令Gary較為無奈的是，就算有心保育，作為壓力團體，可以做的其實不是太多。他認為政府對保育路牌沒有概念，很多時只是對牛彈琴。「路牌係公家，政府都唔知你講緊乜，唔似你做霓虹燈保育，可以同老細去傾，就算有工程師想幫你，現行機制都幫唔到你。」
Gary有時會同有關部門溝通，希望保留一些值得保育的路牌，他說，對方反應亦正面。「佢可能會放落倉，但唔好拎去堆填已經好好。」
下一集，我們會看看，他們如何在重重困難之下，完整地建立一套屬於香港的字體。
文：Gary @infinite__whgary
編：高妹記者 @gomui.173
圖：Gary、 道路硏究社
#StartChing #StartChange #Homekong #香港人 #香港字體 #香港路牌 #路牌字型 #囚友 #在囚人士 #香港人加油
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
想請我哋飲杯啡？
www.buymeacoffee.com/StartChing
如欲與我們分享你的故事，歡迎電郵至：[email protected]
