【#綠色生活】環保女傾積蓄開「裸買店」，力Sell香港菜冀凝聚街坊——日常豊作
環保之路絕不易行，李秀平（Ann）應該有深刻的體會。一直對環保深感興趣，被解僱後決定以此作為第二條人生跑道，疫情下創辦裸買店「日常豊作」。選址在自己居住的屋苑商場，希望凝聚街坊，促進社區資源的善用，特別是本地菜的關注。開業已2年，至今沒拿過一分一毫的人工，銀行存款逐漸減少，但與街坊客人的交流卻充實得很，心靈的財富變得強大。
冥冥中安排的店舖
從事廣告工作期間，Ann親睹回收行業的運作，察覺源頭減廢為更重要，並於生活中實踐。後任職一間航空娛樂相關的公司，2019年被裁員後，希望能投身環保相關的工作。適逢剛爆發新冠疫情，搵工不容易，2020年頭半年都在家整理東西。
多了時間跟街坊聯繫，認識到有街坊因為鍾意食有機菜，直接向香港農夫買菜，亦順手收集街坊的廚餘去堆肥。「我對呢件事好有興趣，就跟着去。閒談間發現大家都想有裸買店，後來有街坊告知屋苑商場有吉舖。果間舖有兩邊玻璃好通透，我覺得好啱裸買店呢類比較新穎嘅舖頭，可以吸引到人入嚟睇吓。」
與供應商發掘「裸買」可能性
開實體店另一個原因是可以連結整個屋苑居民，促進社區資源循環及街坊的互助。計算過自己的積蓄，足以應付到租金。「日常豊作」便於2020年6月中開業，售賣香港製造的起居日常所需，以及衣食住行的環保建議。
有別於一般店舖，裸買店涉及的考量更多。「入貨時要考慮存放期，係咪可以慢慢賣？甚至諗埋如果過咗期，係咪可以食用？最多咪自己食！亦會同供應商講我哋嘅理念，有啲供應商更主動Explore裸買嘅可能性，我要去了解裸買會唔會令生產過程麻煩咗，或者出現其他問題，如果有，就一齊去搵解決方法。」
堅持每周兩日供本地菜
之前跨境貨車司機紛紛染疫，影響內地蔬菜供應，引致全城鬧菜荒。有日Ann立即聯絡本地農夫能否於翌日供菜（原本該日並非賣菜日），並即發佈訂菜訊息。「果排好好生意，甚至對面海都有人問我哋送唔送貨。因為店舖人手好少，我希望啲人嚟舖頭睇新鮮嘅蔬菜係點樣，我亦可以解釋多少少香港農業面對嘅阻撓，你哋見到嘅靚菜係得來不易。」
不時不食的關係，夏天的本地菜並不是大家喜歡的白菜、生菜、菜芯，加上價錢較貴，故平時欠缺吸引力。最近每次只得幾張訂單，還要倒貼車費去做。但她仍堅持每逢星期三及六供應蕉徑的本地菜。「平時食開大陸豬，有時想對自己好啲會改食西班牙黑毛豬之類，可唔可以亦咁諗：平時食平少少嘅菜，但星期三同六就食貴少少嘅本地菜，啲錢都唔使買豬肉咁貴。點解唔食？係咪唔識煮？我都有出Post教大家點煮。」
營銷不忘撒環保種子的人
傳播環保、善用資源及心靈健康等生活資訊是該店其一重要使命，Ann深明這任務艱辛，惟有在逆流中撒下種子。「有啲人拎住個好薄嘅膠袋嚟買麵，我會提醒佢膠袋唔襟用，啲麵好容易拮穿。希望呢個係一啲種子，令佢哋日後反思唔會再攞咁多膠袋。」
經營上遇過不少低潮，有時更灰到懷疑能否捱下去。街坊熟客的支持，成為她堅持的動力。「我發覺好多人都鍾意裸買呢個概念，或者覺得間店好有意思而想支持多啲。有啲熟客無出現一段時間，見我有一兩個Post知道我意志消沉，就會返嚟幫我打氣。」
但願撒下的種子，有朝一天開花結果。
文：Wendy @lainga.lai
編：肥妹記者 @fatgirl.insight
圖： 日常豊作
#StartChing#StartChange#hongkong#Startup#hkstartup#hkstartupers#dreamer#hk#hkstory#presentlivinghk#香港#香港人#追夢#人物故事#香港製造#香港品牌#日常豊作#無包裝#裸買#裸買店#星期三蕉徑菜#星期六蕉徑菜#蕉徑菜#裸買小店聯盟#小店#麗晶花園
＝＝＝＝＝
StartChing 的團隊是由幾位90後媒體人組成，希望用文字和影片分享本地追夢者的故事，一同成就彼此的夢想。
Follow其他社交平台： linktr.ee/startching
如欲與我們分享你的故事，歡迎電郵至：[email protected]
