【#綠色生活】本地農友超級聯繫人，「食物提我哋有幾鍾意香港」
「摘去鮮花，然後種出大廈。」
推土機將農田推平的畫面，「農三代」彭碧珊(阿珊)感到非常矛盾。兩年前創辦本地農產推廣平台「耕耘生活」，成為農友的超級聯繫人，透過推廣農產、開辦工作坊等，希望喚醒社區對本地農業的關注。
「喺農夫仍健在嘅時候，盡量話畀香港人聽多啲食用農產品、多啲認識農夫，否則佢哋好快消失。透過食物多啲提點我哋，有幾咁鍾意呢個社區。」
「細個Assume個個識種嘢」
祖父自60年代在打鼓嶺種田，阿珊兒時生活跟農田密不可分，吃的是家人種植的蔬菜，幼稚園認識的同學絕多數來自附近的農務家庭。「細個覺得種嘢係生活嘅一部分，Assume個個都識，但後來發現其實唔係囉!」
到了90年代，祖父決定不再耕田，因為農務沒前景。隨着成長，阿珊亦慢慢醒覺——很多人原來是不懂耕種。走到市區生活後，尤其颱風季節，體會更複雜:「啲人好開心等打風放假，但打風對農夫好慘會失收，大家好似平行時空。」
由招呼朋友變成農友PR
喜歡寫作的她考進香港浸會大學傳理學院新聞系，其後從事媒體工作。6年前赴英國深造，期間體驗過有機種植，印象難忘，回港後繼續鑽研此興趣。由於居於粉嶺，故常去鄰近馬屎埔村的「馬寶寶社區農場」(該農場因新界東北發展計劃,去年7月已結束營運)購買本地菜，以及走訪農友參與田耕。她把這些生活點滴上載至IG，想不到朋友間回響甚大，專程走來買菜、參觀農田。
「當時係一個招呼朋友嘅概念，後來喺IG識咗一啲蛋糕師傅、餐廳負責人等，佢哋問我有冇本地蔬果賣。我就諗不如幫佢哋搵本地農產，2020年就開咗公司『耕耘生活』,做咗農友同消費者之間嘅中間人。」
農產也要有尊嚴的價錢
她跟不少本地農友腍熟，明白他們面對的困境。農場面積不大，十萬呎以下，農友年紀比較大，熱愛種田、耕種技巧不錯，但不懂找客源，尤其在這個電子化世界。「農夫一係搵本地友好小店散貨。蔬菜統營處收菜嘅批發價偏低，如生菜每斤$5.5，根本維生唔到。如果可以直接Sell畀消費者，同時畀消費者認識生產者嘅故事，先至可以有個比較有尊嚴嘅價錢，同埋有比較穩定嘅收入。」
公司初期以出菜單為主，她在網上發放農友出產的資訊供消費者選購。有時她在市區擺市集，希望讓更多人接觸到本地農產，期間認識到有位蛋糕師傅查詢無花果、香水檸檬的本地貨源，之後她便幫手聯繫相關農友。
「我哋好需要食農教育」
近年她相繼設計多個加入食農教育元素的工作坊，如西瓜應援團、洛神花採收團等，內容包括講解相關農產的種植技巧、烹調方法、採摘體驗、即場試食等。期間更向參加者強調無論是人、螞蟻、農產等，都是大自然的一部分,希望大家反思生活模式。
「我哋好需要食農教育，唔想透過超市呢類好光鮮嘅環境去認識蔬果，呢種講求一買一賣嘅關係唔明白生產者背後嘅努力、蔬菜生長狀態，同我哋好似冇關係。如果冇咗食農教育嘅意識嘅社會好病，你會好輕易浪費食物。土地純粹睇數字嚟衡量價值，農業係非常脆弱，好容易被犧牲嘅產業。」
縱使本地農業未來生存空間狹窄，但仍有農友默默耕耘，身兼自由媒體人的阿珊，更把會有趣的故事書寫下來供媒體之用。早前她有份參與「香港農業3.0計劃」撰寫《菜包裡的人情味》一本，報道過去30年社區支持農業。相信這一切都緣於大家對這片土地的愛吧!
文: Wendy @lainga.lai
編: 肥妹記者 @fatgirl.insight
圖: 耕耘Sow & Grow
#StartChing#StartChange#hongkong#Startup#hkstartup#hkstartupers#dreamer#hk#hkstory#香港#香港人#追夢#人物故事#香港製造#香港品牌#耕耘#香港農業#香港有機生活發展基金#菜包裡的人情味#有機生活 sowngrowhk
=====
StartChing 的團隊是由幾位90後媒體人組成,希望用文字和影片分享本地追夢者的故事,一同成就彼此的夢想。
Follow其他社交平台: linktr.ee/startching
如欲與我們分享你的故事,歡迎電郵至:[email protected]
